download MamiDaily 親子日常 app
【淘寶家品又有超筍好嘢  必買推介三人布藝沙發連運費$450 有無咁抵】

【淘寶家品又有超筍好嘢 必買推介三人布藝沙發連運費$450 有無咁抵】

爸媽分享
By kylife on 06 Jul 2018

我經常見到唔少人既輕型淘寶記,相信好多朋友都想知買大型傢俬係點樣。最近我幫屋企買左張450蚊既三人沙發,重點係450蚊連運費送到屋企,你無睇錯係450蚊連運費!

相信大家對淘寶都好熟識,而天貓大家又知唔知呢?

淘寶似平價版網站,天貓就似貴價版網站,今次介紹比大家就係天貓全球官方店香港

依個網站有咩咁特別?? 入面既產品都可以直送落嚟香港,完全唔需要再集運處理

有無消費限額嫁? 我頭先試過人仔40蚊既收納盒都可以直送香港屋企收貨

講返正題,話說我屋企既沙發已經比破害王寶寶抓到爛晒,所以我哋要盡快換張布藝沙發。我哋係香港睇過都要接近三千蚊,你可能會話三千蚊有好多選擇,但我地家中有貓大帝,所以買沙發係要就住佢嚟揀。

依張喺淘寶大概要二千蚊港紙運到返香港屋企,就係依個時候比我見到香港直送依四隻字,入到去就見到依一張同樣係布藝但感覺簡陋少少既沙發。正價係人仔598再拎優惠券減到人仔369(折合港紙450),見到依個價錢我都呆一呆,之後再睇多次有無睇錯。 問完媽咪佢就話「咁平,買返嚟試下啦」

買到返嚟係有三條木加兩舊墊同一堆螺絲,首先要清潔好先再安裝,最後我同爸爸一齊裝,睇住說明書就覺得唔難裝既,不過其中一粒螺絲扭唔到好實,但唔係太大影響,其實坐落都OK嫁,完全對得起依個價錢!

暫時用左兩個月都無問題,不過原來沙發變返正價人仔598,如果大家有興趣一定要先加入購買車,天貓同淘寶好多時都會有大減價速銷,話唔定好快又減價,所以真係要得閒留意住呀!沙發Link

最後最後同大家講聲唔係鼓勵大家去換新沙發,但如果你同我哋一樣有需要去換,又想買張平既就可以考慮下,不浪費保護地球之餘、又可慳荷包!

預告篇:下次同大家分享我為筋肉寶寶準備既淘寶物品篇,嚟緊會有家居裝修既文推出,各位要留意住我既專佈呀!

==============================

Text & Photos : Kylife

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道