【10m+寶寶食譜：雪梨蘋果無花果水～潤肺化痰一家大細都飲得！】

近日轉天氣，秋風起，天氣乾燥，聽到公公同卡樂B都有幾聲咳，於是即刻買材料煲雪梨蘋果無花果水，幫助潤肺化痰、止咳，大小朋友都適合飲用～

材料
雪梨 3個
蘋果 3個
無花果 4粒
蜜棗 2粒
南北杏 少許
水 1800ml

做法
1. 將所有材料洗淨。
2. 蘋果及雪梨去皮去芯，切件。

3. 將凍水及所有材料放進煲內。

4. 開大火煲滾後，轉細火煲1小時左右，即可飲用。

在街市向各位美女姐姐取經後，得出以下包甜方程式 (●´∀`●)：
1. 無花果切勿切片，及需凍水落。
2. 蘋果及雪梨需去芯，否則會有苦味溢出。
3. 蘋果及雪梨都一定要凍水落。

～補充資料～
很多時煲雪梨蘋果無花果水，都不會去皮，因為果皮有一定的功效～～不過因為今次卡樂B都會一齊飲，我有少許擔心果皮中存留太多農藥及果蠟，所以最後都決定去皮，感覺上安心點～～此湯水基本上10個月以上的BB 可以嘗試飲用，不過要留意，因為有南北杏成份，所以千萬不可以每天飲及代替水飲用啊！

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！