【在職媽媽無須內疚 無時間陪孩子 研究指在職媽嘅仔女有啲嘢佔優勢】

要是你是一個在職媽咪，為咗自己同仔女嘅兩餐奔馳，唔能夠瀟灑辭職，但又感到自己對子女付出得不夠而內疚，筆者希望以下哈佛商學院的一個小小研究的結果，可以為你要「工作家庭兩邊兼顧」的生活加加油！

Photo from Photo From PressLogic

哈佛商學院的Kathleen McGinn教授就美國的在職媽媽的子女作調查，發現在職媽媽嘅子女對比起全職媽媽嘅仔同女都各有一樣優勝之處。

首先，在職媽媽嘅女兒比全職媽媽嘅女兒係職場上比較成功；人工會高咗23%之餘，連做到主管嘅機會都會高啲！除左美國，佢哋睇咗共25個已發展國家，見到相類似嘅趨勢。

Photo from Photo From PressLogic

咁在職媽媽嘅仔又有乜優勢？！

原來，在職媽媽嘅仔仔，比全職媽媽嘅仔，係成家立室後，對家庭事務及自己孩子，會付出差不多多上一倍嘅時間。在職媽媽嘅仔，成家後平均一星期會用上16小時做家務及進行親子活動，但全職媽媽嘅仔，成家後平均只會用8.5小時做家務及親子！

Photo from Photo From PressLogic

媽媽因為在職，在女兒長大後，也許因為較大的人際網絡，能幫女兒在職場上尋找更多機會；同時，因為要工作，家務參與到必定有所減少，故兒子能參與做家務的機會，就會有所增加，養成一個男人也要做家務的習慣。

Photo from Photo From PressLogic

所以，負責這項研究的Prof. Kathleen McGinn認為，在職媽媽無必要自責；其實做每件事都有好處亦有壞處，但當想好了，認為對家庭整體來說比較好，全職又好在職亦然，都不是一樣「為咗頭家」？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : Scientific Papa

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！