【BB吽牙仔搞到腸胃不適肚瀉 推介高蛋白豆奶舒緩腹瀉不適】

上星期發現心怡手仔腳仔有粒粒，同埋脷胎厚。估計係濕熱，煲左竹蔗水。飲完之後第2日就開始肚柯，唔知關唔關寒涼事？定係唔岩飲？一路斷斷續續肚柯到琴日，patpat都柯到紅晒損左，去睇睇陳醫生穩陣。

5月12日(六)飲左約6安竹蔗水, 之後1日出現肚柯。

13號全日柯水約4次(有SHAN)，中間有柯過靚呠(較散)。

14號零晨柯水, 日間肚柯約2次，中間有靚呠1次

15號零晨肚柯，日間柯約3次，睇醫生食藥

16號零晨柯水2次，下午飲完奶粉後半個鐘，柯左2次，中間有靚呠1次

估計除左可能咬玩具細菌入腸外，奶粉都可能關關地事.... 因為每次飲完奶粉過無耐就會柯。 今日即刻去買豆奶，試下會唔會好啲。醫生話腸胃炎一定要飲多啲水，食飯要水份多啲嘅，同埋暫停飲牛奶，轉飲豆奶，等腸胃好番先再轉。

對豆奶嘅認識今日先開始，網上搜聞睇下邊隻牌子較好，原來幾個大品牌都有出豆奶配方，高蛋白營養價值，但不可以取代牛奶。我地再問埋有個素食bb嘅朋友意見，最後揀左雅培愛心美Similac Sensitive Isomil Soy。藥房得1個size，無得買細罐試飲。

豆奶配方, 初生起適用

味道：好香豆味，零甜味 (因為無乳糖)，易入口，飲完唔會喉乾

特點：豆奶配方，不含奶類和乳糖成份 。能在3天內有效改善嬰兒厭奶、嘔吐和腸氣症狀，呵護寶寶嬌嫩的腸胃。

有助舒緩腹瀉、嘔奶、胃氣等腸胃不適。適宜乳糖不耐受以及牛奶蛋白過敏寶寶食用

溶解速度：一匙要沖60ml水，較奶粉粗粒，要用匙羹攪拌才完全溶解，質感較奶粉杰身 (視覺望落都幾飽肚)

階段：初生起適用

重量：900g

價錢：藥房價$282

試飲後感：心怡無抗拒，仲幾鐘意飲添啵！觀察下情況，睇下仲有無肚柯！希望佢快啲<肚仔happy>

豆奶介紹 -- 截圖（來源自網址：http://archive.am730.com.hk/article-166078）

下回分解！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : Mimi JW

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！