【孕期必備 係準媽媽們嘅好幫手 推介3個App記錄整個懷孕過程】

第一次做媽媽，一定想將成個懷孕過程心得同相都紀錄落黎，第時比自己同bb睇返留個紀念。今次介紹比大家我大肚既過程用左咩app去紀錄。

首先有280days

相信好多媽媽都唔會陌生，因為除左香港，台灣果邊既媽媽好多都係用呢個app，佢會幫你倒數由依家到生果日既日子，亦會有小小介紹唔同時期既寶寶成長體積同過程，不同階段媽媽同爸爸可以準備既野,夫妻可以共用一個APP, 聯手製作懷孕記錄。佢可以比你mark 低產檢日期，可以較時間去提醒你，產檢完可以紀錄返當日既結果，upload 返超聲波相，又可以寫下媽媽日記同身體狀況，係個比自己留念好好用既app。

跟住做媽媽緊係會影下自己個肚愈黎愈大既過程，之後再後制下，加返週數，重量等等，我無比錢買，所以都用free app，有個叫baby photo ，佢有好多唔同既effect，唔同既主題比你去加工大肚相，我好常都用呢個app 就搞掂一張相。

另外有個叫辣媽日記

佢可以比媽媽打日記紀錄下當日發生既事，再加po張相，用同一個app執埋張相，裁相片大小，轉effect, 打字上去同埋加好多可愛既表情嚮個肚皮上面。呢個APP亦有媽媽圈,可以同家人分享整個懷孕過程，或者有媽媽會話無甘多時間做呢樣野，但到生左之後你就會發現，睇返過程有好多感觸，好值得去做呢件事。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : Hebe & Ethan

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！