【首次懷孕易緊張四方八面訊息混雜一次過話你知初懷孕有咩要留意】

By hebe on 28 May 2018

我是香港嫁到台灣的新手媽咪，我叫hebe，寶貝Ethan 於2017年11月28出生，選了和媽咪我同一日生日，來到這個世界。原本在香港做地勤的我，現在做了全職媽媽，是個全人奶新手媽媽，每日都會為Ethan 影相紀錄他的成長，每日都為他的進步而感動，早幾日，我發現Ethan 準備要做哥哥了，短時間內有個初生寶寶又再懷孕，希望可以有平台分享我的經驗和日常。

上年剛剛才經過一整年的懷孕到卸貨，想說終於可以休息一下，不用再每天吃不同的補充品，不用再戒口，誰知道因爲餵母乳，還是有些不能吃不能喝，譬如想和老公浪漫一下，在家小酌兩杯，對不起，這不再是當媽的生活了, 因為酒還是會透過母乳讓BABY 喝到.

Photo from Photo From PressLogic

首先，頭三個月，因為胎兒未穩定，所以通常媽媽都會事事小心，行步路都慢過人，想當日媽咪我就試過有一日大出血，同平時黎m一樣多，即刻喊住坐的士去睇急症，好彩係無事, 但醫生都唔會同你講到係咩原因出血,所以如果你遇到同樣情況，首先唔好緊張，睇醫生係必須的，因為會甘樣係有作小產既跡象，但如果唔係有咩特別大問題，醫生其實都係叫你返屋企休息多點，多平躺,放鬆心情在家安胎。

Photo from Photo From PressLogic

之後會有一連串既丸仔等緊你，好似我懷孕初期就有食葉酸（睇婦產科醫生會開比你），藻油丸（自己去買，果陣我買既美贊臣 - Enfinitas媽媽藻油DHA，食到生,上網睇過藻油比魚油好）,之後中後期就由葉酸轉為孕婦維他命（入面包埋葉酸，所以唔駛再分開食），後期我因爲缺鈣（因為成日訓到半夜抽筋，痛醒，去聽左個講座有check下我身體既鈣，低過水平，訓前都要老公幫手拉筋）所以仲加埋鈣片, 食左一個月就好返D 啦.

Photo from Photo From PressLogic

當你知道自己懷孕，第一時間請搵哂所有媽媽會去加入，like 哂所有佢地既fb，然後每間都有好多唔同而有用既贈品，最有用既係紗巾，我拎返黎既已經夠用，唔駛再買！通訊健康院門口都會有班姨姨嚮到比表你填叫你入會,一次過搞掂就好方便,即場會比埋贈品比你,除左去bb展，平時見到有咩講座有時間都要去聽下，除左學到野，送既野都好實用！我連保暖杯都拎左幾個，坐月最岩用，仲有牛牛被（我個仔依家仲用緊），月亮枕（個肚大到甘上下，訓覺側訓用佢會訓得舒服d)等等.......同埋佢地有好多熱線比你問問題, 亦會送好多書仔比你睇,第一次做媽媽,總覺得睇多好過睇小.

Photo from Photo From PressLogic

最最最初期係有飲媽媽奶既，當時我聽好多媽媽意見話會肥，飲飲下就停左啦，至於真唔真就唔知，因為果陣我未開始肥。講到肥，大家真係要好好控制，其實真係無一個人食兩個人份量既野，bb係吸收營養唔係吸收食物，唔好好似我甘太放縱甘食，由大肚到生重左20kg, 個仔出到黎8.8磅，真係辛苦自己架咋，生完咪又係要減，其實每個月重1kg左右就岩，係要食得健康唔係食雙份，生完都唔駛減得甘辛苦！