【親子限定好去處 四個商場輪流舉辦 有得飲靚湯兼學惜食文化】

我同和牛b都好鍾意飲湯，不過我平時要返工，放假又鍾意帶住和牛B出去玩，所以都無時間去煲湯。

同我一樣都鍾意飲湯，又無時間煲嘅你機會嚟啦。領展喺5月期間舉行「盛湯廚房」，進行義賣湯水活動，而捐出款項全數撥捐惜食堂。

留意呀，只有四個領展商場先有舉行呢個限定活動。每個活動日期都會喺唔同地點進行，樂富廣場、黃大仙中心、鯉魚門廣場、屯門蝴蝶街市。

呢個活動係由國際名廚王凱傑（Jason Wang），將領展街市商戶回收嘅食物，再設計咗四款獨家靚湯。鼓勵市民「飲啖湯見吓對方」，同時仲宣揚惜食文化。

大家只要捐出$10予惜食堂，即可以換領一張換湯券、有湯飲之餘仲可以影返張靚相留念。

四款靚湯都有特別嘅意思，神級Fusion湯（黃芽白葫蘆瓜冬菇濃湯）、助「辣媽」清熱除煩惱嘅下火蛋花湯（菠菜豆腐蛋花湯）、讓「仙氣媽媽」繼續美麗示人嘅抗氧化仙氣養顏湯（焗南瓜木瓜紅蘿蔔濃湯），仲有增強「佛系媽媽」免疫力嘅全素佛系番茄湯（番茄青瓜湯）。

事不而遲，馬上分享我嘅活動流程啦~

捐錢後，就可以馬上揀湯，工作人員就會俾換領券及貼紙俾我。

我揀咗「下火蛋花湯」，再去用換領券拎湯，新鮮滾熱辣嘅湯，馬上送到!!

拎咗湯之後，仲可以去Topping區，加配料上去。配料有成8款咁多，有芫荽、 櫻花蝦乾、炸蒜、有色爆谷、南瓜籽、ABC 字母餅、黑胡椒、心型及星型麵包多士，仲有樂富廣場限定嘅食用花。

和牛B幫我裝飾完之後，成個湯錦上添花咗好多。

再將工作人員俾我嘅貼紙貼埋喺個湯蓋到就完成~

湯碗外其實仲有地方可以寫上心意句子，送俾你想送嘅人。

完成之後，仲可以去「潮拍長輩圖」影相留念添呀~

有四個相框可以揀~和牛B揀咗「記得唔好空肚食早餐唷!」~

張相即時打印出嚟，仲可以二維碼(QR Code)下載原相。

講返最重要嘅嘢，就係湯嘅味道。

我揀嘅係「下火蛋花湯」，超墨綠色嘅湯底，味道好香好濃，好濃嘅菠菜。

味道一啲都唔咸同埋唔係味精湯，所以飲完都好想再飲多碗呀!!

咁有意義嘅活動，你哋記得留意每場活動地點、日期及時間呀!

4. 5月27日 / 上午11時至晚上7時 / 蝴蝶街市

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : 和牛媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！