【小天使來臨令人感動老公可能都會反應唔切】

By Shan Shan on 10 May 2018

我叫Shan，係80後，我係一位freelance 化妝師，亦係一位半全職媽媽。有一兒子健健（許小b），現時5個月大，有G6PD的！閒時鐘意上網濕平&爬文、聽歌（變晒兒歌）、周圍同人傾湊b嘢！第一次做媽媽希望可以紀錄下湊小朋友嘅趣事同辛酸

好想分享下知道懷孕的一刻！

好記得2017年3月8日那天我因為第二日要外出工作朝早就去驗孕，當時驗孕棒顯示係未有（其實當時都未到經期要嚟嘅日子）因為擔心自己嘅工作會影響bb（如果有，就要錫身些），咁當然咩都驗唔到啦！（個支驗孕棒仲要話自己經期前7日都驗到喎）結果我就粗粗魯魯過咗呢一日！

當13號嗰日我應該M會到，但又未見影蹤，我一向都好準時架，所以就拎支電子驗孕棒出嚟試下啦，今次係買咗最貴個支，係等待嘅過程我一路刷牙洗面咩都做齊，但都仲未出結果，搞到老公屋企人以為我仲咩，當10分鐘左右結果一出「叮！叮！叮！」我個心其實係好開心，因為上年年尾我哋就結咗婚，好唔好彩當年年頭老公嘅爺爺走咗，我知佢一直好希望見到我哋結婚生仔，可惜佢等唔到咪個「塞」出世！當期時我個心第一句係多謝爺爺，一係佢在天之靈，賜咗呢個小天使比我地！

我立即衝返入房，老公仲係張床度打緊機！我比支棒佢睇，佢由專心打機變咗天然呆（都有5秒）再定返神，好冷靜咁同我講：「哦！不如再驗清楚d先喇！」當時我真係好心淡架，而家咩態度，咁唔開心咩，點解咁冷靜，唔係好似人哋嗰d喊晒話多謝我架咩（當然我諗得太多啦）如是者我當日睇醫生就驗唔到喇（診所仲叫我過多一個星期先再嚟驗過啦，因為有機會太細check 唔到），因為太心急嘅原因我過咗幾日又去咗另一間診所再驗過「登！登！」今次真係係有啦，（灑花⋯⋯）拎咗醫生嘅懷孕證明，但我因為因爲要工作，所以要等好日先可以去醫院登記，好彩嘅係呢幾年已經無雙飛霸床位，所以就算遲幾日先去登記都唔太大問題。