【新婚未習慣 準備蜜月旅行 突如其來嘅兩條線開始改變】

搬屋同結婚幾個月，仲適應緊新屋同做人妻，習慣緊返屋企係見到老公，唔係 daddy mommy，結婚後我哋祈禱將生bb嘅事交俾神安排，幾乎每日我都係諗緊 honeymoon，research冰島景點同極光 local tour。同老公夾好邊日飛，跟住嗰幾日都無時間訂機票，突然有一日醒起 period仲未嚟，就買兩支驗孕棒返屋企靜靜雞 check，見到兩條線嘅時候係呆咗。喺完全唔知下一步點做嘅情況下，我選擇打電話問朋友～

1. 記低最後一次月經來的第一天係邊日

(約診所、醫院，到產檢登記姑娘都會問，計返懷孕第幾週同預產期)

.

2. 到診所驗孕，攞醫生寫嘅懷孕證明

(問過健康院，家計會嗰張得唔得，姑娘反問我係唔係醫生出吖？留意返，家計會係護士出嘅)

3. 預約產前檢查 (政府/ 私家醫院)

http://www.fhs.gov.hk/tc_chi/main_ser/process.html

(政府同私家都打好多次先有人聽電話，d 期都好 full，個幾星期後先有得 check)

.

4. 通知公司HR，交埋張懷孕證明 copy

(自己同事我就等bb夠三個月大先講，HR同事幫我保密先)

.

5. 安裝胎兒 app - 280days

(App 個 bb會郁嚟郁去，提妳懷孕唔同階段小貼士、記錄自己身體壯況，mark低有咩要問醫生)

呢一刻開始就無飲咖啡奶茶檸茶，酒就梗加唔好飲，生冷嘢都無，初期都係小心d，睇多d書同見咗醫生先。雖然之後會有唔同嘅人同你講，呢嘢唔做得嗰樣唔食得，眾說紛紜，準媽媽要做定功課，知道原因妳就決定到，最緊要心情平靜。

由於我同老公都未有共識政府醫院定私家醫院生bb，佢就想私家，質素好d同環境舒服；我就覺得順產去政府都可以，我哋會去養和同贊育產前檢查一次再決定。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : 奶柔豬的媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！