【左穿右插 荃灣掃街必食 推介新派惹味串燒店】

荃灣掃街必食推介 新派串燒店 脆味工坊

經常見人推介脆味工坊「真」好味～
就連身邊既荃灣友都勁推介！！

我！大胃倩又點可以唔黎食啊
見到個餐牌經已心心眼
樣樣都想試！炸鮮奶、煙肉芝士大啡菇、羊架、炸原隻軟殻蟹 ！真係花多眼亂！最後我揀左五個小食同一杯野飲

原條燒茄子 $20茄子從中間切開舖平，面頭加左蔥粒同調味粉！有串燒嘅焦香！好惹味好香好Juicy！\茄子燒得岩岩好，用叉輕輕一撩就可以撩起一大條茄子肉，#識食一定趁熱食

.

懷舊炸鮮奶 $25 六粒 炸鮮奶有四款味！除左原味！仲有蜜瓜味、抹茶同榴連味！食得懷舊野一定食原味la！炸鮮奶係order後住即炸既, 拎上手熱辣辣,炸粉好薄！外層炸到金黃色同時好鬆脆,味道唔太甜！對我黎講甜度岩岩好！正！

蒜蓉粉絲烤扇貝 $38兩隻 拎住經已聞到勁惹味蒜香！扇貝肉大大粒，肉汁鮮甜！

原隻邪惡軟殼蟹 $38呢個真係不得了，用蛋黃漿炸勁邪惡！完成鎖住肉汁，多汁同時啖啖肉！口感非常香脆！食落去唔會太油膩

芝士肉醬大啡菇 $38佢可以芝士揀配煙肉/肉醬/薯蓉，大啡菇厚肉多汁，咬落去香濃嘅菇味出晒嚟！配埋芝士肉醬口感非常豐富！

最後配番杯西瓜沙冰清一清降降溫！西瓜沙冰超大杯！唔會勁多冰咩都飲唔到！新鮮西瓜非常清甜！為今餐劃上完美句號

脆味工坊 / 咪咁串
地址: 荃灣荃興徑14號b地下

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : SinMama

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！