【婆媳】與男友拍拖7年Plan緊結婚因為頂唔順男方家人決定分手

By Dara on 12 Apr 2024

Deputy Managing Editor

當自己成為父母，才明白父母的喜怒哀樂，以及無私的愛！

拍拖是兩個人的事，但結婚則是兩個家庭的事，婚後要融入伴侶家中，其實不是一件容易的事。本地一名女子，與男友拍拖7年，情投意合，二人共賦同居且有計劃結婚。可惜過不了「婆媳」這一關，忍受不到男友媽媽的滋擾，無奈忍痛分手。

Photo from 《未來媽媽》劇照

大學Ocamp認識後相戀

事主在討論區Dcard發帖：「已經Plan緊結婚，最後因為佢屋企人而分手」。她與男友相戀7年，二人是讀大學時參加Ocamp（迎新營）而認識。他們有共同興趣，對未來想法一致，已視對方為人生伴侶。拍拖初期十分甜蜜，直至二人畢業後出社會工作，事主開始聽到男友為屋企問題而煩惱。

Photo from 《香港愛情故事》劇照

男友媽要求畀1/3薪金作家用

原來男友是獨生子，家裏只有媽媽，單親媽湊大兒子，難免事事管制，尤其是人工問題。「我同佢出街嘅時候，佢成日都話唔想返屋企，阿媽好煩，我後尾問佢先知，原來佢阿媽獅子開大口，叫佢用人工 1/3 嚟比家用，佢唔想比咁多又唔想逆佢阿媽意，因為佢係單親家庭。喺佢嘅角度，佢阿媽好辛苦帶大佢，佢得呢個阿媽。」

Photo from 《香港愛情故事》劇照

建議男友搬離家中

為助男友解決家庭問題，又想多點時間二人世界，於是事主建議男友搬去女方家中居住，「我就同男朋友提議叫佢搬嚟我度住，因為我屋企有村屋，但屋企人長時間唔喺香港住，所以成間屋咁大得我一個人住，佢嚟住又唔使比租，唔同阿媽住又可以有個理由比少啲家用。」

Photo from 《小日子》劇照

決定與男友分手

同居後本來以為有個新開始，誰知才是噩夢開始。男友媽媽不斷騷擾事主，「話我搶咗佢個仔，落咗啲唔知咩迷惑咗佢個仔，我男朋友初頭都叫我唔好理，佢阿媽變本加厲，會半夜三更嚟我地屋企樓下大叫同喊，叫我還返個仔比佢。」

糾纏半年後，事情沒有得到解決，事主只好作出決定，「雖然我好愛我男朋友，但係佢阿媽咁嘅行為真係好影響到我生活，而且我男朋友都冇辦法解決呢個問題。其實好sad，難得遇到一個相處落好舒服、而且人生規劃好相似嘅人，最後竟然因為佢屋企人而分手。」

Photo from 《12日》劇照

網民指男友太無能

帖文出現後，網民認為是事主男友太無能，「得罪講句，成件事就係原po男朋友無能力解決問題，又唔想同老母嘈，又唔想交家用，又唔溝通，又唔搵多啲錢，逃避完咪犧牲你」、「所有『婆媳』問題一律係男方溝通不善嘅後果」、「講到尾佢阿媽係有問題，但男朋友處理都咁其實都唔多掂，結咗婚個問題應該只會更嚴重」。

事主做法不妥

亦有人怪責事主做得不妥，「你一嚟解決方法就叫佢搬去同你住，掉底佢媽自己一個。佢媽連唯一支柱都冇埋唔同你死過就假啦」、「另類媽寶…定係妳都無做足奶奶政策。個仔作為佢咁多年嚟嘅依靠，一定要搵啲其他事 replace 咗，佢先會肯放手」、「單親媽媽得粒仔係咁㗎，你諗下其實個仔係佢全世界㗎啦。男朋友就算俾幾多關心阿媽佢都會覺得唔夠，因為簡單嚟講佢會覺得你係佢情敵，仲要搬埋出去住，點頂得順啊」。