【育兒】人妻發覺無娃夫妻精神奕奕有娃夫妻表情呆滯質疑：「婚姻不幸福是因孩子？」

By Dara on 05 Mar 2024

Deputy Managing Editor

當自己成為父母，才明白父母的喜怒哀樂，以及無私的愛！

一對夫妻婚姻能否幸福的因素有很多，但有本地網民在街上留意到，無娃的夫妻較為精神、有說有笑，相反，帶着娃的夫妻總有最少一個表情呆滯，推論生兒育女是否容易令婚姻不再幸福？

Photo from 《香港人在北京》劇照

帶娃夫妻一臉生無可戀

事主在「香港討論區」發帖，題目是：「點解我覺得周圍冇人婚姻係幸福嘅」。事主目前已婚，但沒有生育，正在過二人世界。她同樣已婚的妹妹則已有小孩，日前二人相約逛街，她妹妹淡淡的說：「你發現冇，只要係兩個人行街嘅夫妻或情侶，佢哋臉上就神采奕奕，有講有笑嘅，而一家三口嘅嗰種，總有一個人臉上表情呆滯，生無可戀嘅感覺。」

Photo from 《BB來了》劇照

婚姻不幸的源頭是否孩子？

可能她妹妹已有孩子，所以感受較深，因此留意到街上有帶娃和沒有帶娃的分別。事主聽到妹妹的分享後，剛好迎面有一對推着嬰兒車的夫妻，以及不遠處有一對正在餵寶寶喝水的夫妻，兩對夫妻的表情正好吻合事主妹妹的見解。事主想：「嗯，的確咁！雖不能僅以此判定佢哋嘅婚姻是否幸福，但我正在想導致婚姻唔幸福嘅源頭真係孩子咩？我也迷惘了！」

Photo from 《BB來了》劇照

網民分享經歷

有網民認同她們的見解，分享自己的經歷，覺得帶娃出街，要照顧娃確是生無可戀，說：「尤其你一路推BB車行街，BB一路搞人哋啲貨，不久又突然發現BB手上攞咗個商品，但唔知在哪間鋪頭攞的。如果你帶佢去遊樂場，下場一定係你同老公輪流抱佢回家。如果帶佢去餐廳食飯，你預咗佢會徒手揸食物，將餐具掉落地，佢一喊，全場人望住你。最痛苦係佢每十五分鐘話要去廁所，目的係抗議你顧住行街，對佢關懷唔夠。」

Photo from MamiDaily

有人認為與孩子無關

有人認為：「生b最煩，你所有生活要圍繞個小朋友」、「因為 Baby 的存在，出現好多的苦惱，btw 可以不生」、「你無娃、一定比你妹幸福很多」。亦有人覺得不關孩子的事，「一係傳統男主外女主內，一係學西方完全男女平等，香港夾喺中間，大家期望有落差，咪唔幸福囉，其實唔關生唔生小朋友事，無小朋友無嘢維繫過幾年咪一樣各自搵食有名無實囉」、「無嘅又想有，有嘅又想無。針無兩頭利」、「因為智能電話，改變了好多人。如果冇智能電話，大家既時間一定好多，便會諗生B」。