【BB唔喊唔扭計新手媽感自豪 原來BB開心笑內裡卻竟暗藏危機  】

【BB唔喊唔扭計新手媽感自豪 原來BB開心笑內裡卻竟暗藏危機 】

爸媽分享
By波波頭mami on 26 Apr 2018

親戚朋友一定問過所有媽媽”點阿,bb有無成日扭計喊阿?” (其實初生嬰兒係唔識扭計,千奇唔好亂聽人講bb喊唔洗即刻理佢抱佢。其實佢地喊親都一定係表達緊我唔舒服,我肚餓,我屙左阿。絕對唔係人地所講既縱佢,抱慣佢。)

而我一開始既時候都會好自豪同佢地講”我bb唔喊唔扭計嫁”,但慢慢我就開始發現咁既弊處。

就係因為波波頭平時屙左瀨左都好似平時咁自己係到玩,或者訓教。所以有時真係要成日摸下佢尿片先知。

IMG_1646

而有一日,當我朝早好似平時咁幫波波頭換片,發現原來佢已經屙左一大包,但佢完全無喊。仲好開心咁笑,我已經心諗,大獲!點知,我幫佢抹乾淨之後,即刻見到佢已經爛patpat同埋有尿診。真係好內疚點解無定時定候睇下佢。

咁我前後幫波波頭買左3隻patpat膏。

第一支,係韓國brand,係bb婆婆去藥房買既,所以價錢唔清楚。

IMG_2045

但我覺得就無咩效果,我係一啲都唔會慳住用係bb身上,我每次換片都係大大pat厚敷。但情況一啲都無改善。

廣告
廣告

後來,我即刻同朋友求救。佢推介我依家深受媽媽歡迎既”mustela”喱個brand既patpat膏,

IMG_2044

我只係幫波波頭搽左一次,已經發覺啲粒粒有謝左既情況。所以話,有時真係買番啲大路野比較有保證。

22c2abf6-d647-4bb8-830c-5b5422e14afe

另外朋友其實有推介另一隻patpat膏比我,但因為我用左mustela已經有改善所以我就仲未試用。但我朋友就話喱隻都好work。係colormix就可以買到,而且性價比好高又好用。價錢係mustela既一半。$6x就可以買到。各位媽媽都可以試下用。

題外話,以上只係個人分享,我bb既膚質亦唔代表所有既bb,所以我都建議各位媽媽可以再參考多啲patpat膏既資料同意見先再去試。另外,如果bb有尿診一定要有暖水幫佢抹patpat,會有效舒緩痕癢,等佢乾先搽patpat膏,濕紙巾係有一定刺激性。

===============

Text & Photos :波波頭mami

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook