【BB都要保持口腔清潔衛生話你知BB用咩牙膏先至岩】

By 許許 on 26 Apr 2018

未生小Bella前非常慢活, 愛hea即hea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEBOOK專頁瀏覽更多生活趣事分享及參與送禮活動~ FB專頁: www..facebook.com/huihuiplayground

到目前為止，
湊Bella最難搞嘅科目就係要令佢刷牙。

其實佢幾個月大開始已經幫佢用濕棉清潔口腔，
到佢10個月大先出第一隻牙開始，
我先比支BB牙刷佢自己刷，
不過次次都係咬牙刷，
刷頭動不動就比佢咬到亂草一樣，
都不知已換過多少支，
而且佢一直都係咬而唔係刷，
教佢又唔理唔聽，成支牙刷推返比我，
每次都要我先扮幫成堆公仔刷牙，
佢先肯張開口比我刷幾隻。

最近同佢用左BB牙膏，
自從吱過牙膏比佢試，
個衰妹一見到牙刷竟然嚷著要刷牙，
當然啦，支牙膏有黑加侖子味喎…

Bella爸問我係咪真係有用牙膏嘅必要，
其實我早前已經想搵BB牙膏，
Bella都差不多出左10～11隻牙，
而且又鍾意食野，臨訓飲奶，
所以我好驚再唔幫佢注意口腔清潔佢會蛀牙，
再單純用清水漱口一定唔夠，所以用牙膏潔齒係必要嘅。

成人牙膏所含嘅氟化物，相比兒童牙膏高，
如果BB不懂吐出泡泡的話，
可能會將牙膏吞下而造成危險。

另外，亦有報導指出，
小朋友若吸收過量氟化物，
將來長出來的恆齒有可能出現白色的條紋或斑點，
嚴重的話琺瑯質會變得粗糙。

Bella用緊呢支牙膏，
係專為1-3歲幼兒而設嘅，無氟配方，
結合天然潔齒成分、有機蘆薈和矽土，
可以溫和有效地清潔牙齒。
而且有機蘆薈汁液可以舒緩牙肉，
亦與植酸及天然木糖醇形成強大保護配方，
可有效預防蛀牙問題。
含天然木糖醇，不含防腐劑及氟化物，
亦獲法國有機認證機構ECOCERT認可，
成份有機及非常安全，
就算意外吞下牙膏都唔會有危險，
所以我都唔使擔心。