【愛比較】父母成日將自己同其他親戚子女比較，事主斥雙親付出太少：當我係工具？

By wing.wong on 26 Oct 2023

做父母都望子成龍，導致大多父母總愛將孩子比較，覺得別人家的孩子比較乖、比較聰明。近日，一位網民在討論區開帖，控訴父母總是以他和其他親戚孩子比較，令他非常不忿，認為父母：「唔付出邊有回報」，更直言：「咁鍾意比，不如脫離關係啦！」帖文引起網民兩極討論。

Photo from 《我們與惡的距離》劇照

父母常以其他親戚子女比較

日前，一位網友於討論區控訴：「有時覺得阿爸阿媽好煩」，他指父母總會以他和其他人作比較：「成日話邊個親戚個仔個女幾叻幾叻」，又問他：「點解冇人哋咁叻？」令樓主非常氣憤。

Photo from 《愛回家之開心速遞》劇照

「唔付出邊有回報」

樓主認為父母未有付出相應成本：「依個世界緊係有人叻有人差，你撫心自問，你比咗幾多$落我度，你有冇教我啊？唔付出邊有回報，人比人，比死人啊？」質問：「你究竟當我係你個仔/女，定一件工具呢？」更直言：「甘鍾意比，不如脫離關係啦！」、「其實一個人好叻有咩用呢，佢最後咪又係回歸塵土，有咩分別」。

Photo from 《虎媽貓爸》劇照

網民討論兩極

對此，網民討論兩極，有人表示認同：「你可以問返佢嘅，人哋用咗幾百萬喺個仔女身上，你用咗幾多？」、「佢哋都無其他父母咁叻啦，咁邊有資格要求？」、「長輩思想都傳統啲，溝通唔同都正常」。

批評樓主不懂事

另有人認為父母愛比較是有其道理：「都係擔心自己仔女嘅將來生活啫」、「父母唔係想搵你同人地仔女比較，只係希望你可以學下人，上進啲，唔好好似而家成篤屎咁，ok?」、「話就話個個人最後都係塵歸塵土歸土，但係中間嗰幾十年過得舒服定係過得辛苦，都好重要」，並批評樓主：「一個叻，可以建設社會；唔叻，就應該守護家庭，你自知唔叻，又唔肯返屋企幫手，你父母係心痛你唔懂事」。