【買餸呃秤】孕婦買荔枝被呃秤，理論時被老闆娘威嚇，貼證據以一舉動回擊！

相信街坊們出門買餸最討厭被無良商戶「呃秤」。日前，一名孕婦於Facebook群組發文，指自己於大角咀一間生果檔買荔枝及龍眼時被「呃秤」，事後找老闆娘理論時更被威嚇，最終事主貼出證據，並作出一舉動回擊。

Photo from 《BB復仇記》劇照

該名孕婦表示，自己新搬到大角嘴不久，有一晚到中匯街一間生果舖買了1磅荔枝及1磅龍眼，分別為每磅28元及29元，秤重後老闆娘收共85元，事主遲疑了一下，但老闆娘「即刻話呢度唔止2磅已經收平」，而當時事主未有再爭辯：「我無出聲因為都好攰費事嘈，同埋都畀咗錢了。」

Photo from 當事人提供

理論時被老闆娘威嚇！大肚都照郁？

第二日，事主經過生果檔時再詢問老闆娘「係呃秤定收錯錢」，怎料對方竟「好大聲迫埋嚟我胸口，個樣好似惡鬼咁想食咗我」，更「從生果檔一直迫到埋我去隔離士多鋪，最後士多鋪老闆娘同其他街坊攔住佢先無迫埋嚟我度」，此時，事主大聲表示自己是孕婦，但該名老闆娘「仲迫埋嚟想郁我咁」，事主即嚇親欲離開，但老闆娘卻想繼續追向事主「仲好大聲問我做乜嘢走？」最終事主選擇先行離開。

Photo from 當事人提供

貼出證據指不足2磅

事後，事主貼出有關證據，指1磅為453g，她所購入的荔枝僅約425g，「龍眼大約細過抽荔枝二分一」，而荔枝和龍眼加起來都不足2磅，但該名老闆娘所收的價錢實質是「3磅之餘再多1蚊」、「起碼收貴我二十蚊」。

Photo from 當事人提供

Photo from 當事人提供

Photo from 當事人提供

終決定上報海關

事主對此感到氣憤：「講證據吖！我而家就同你講證據‼️唔係街度追埋嚟大聲鬧人就係你大曬！」、「呃我後生女唔識買生果容易呃」，事後，她決定連同有關資料上報海關，而孕媽表示，海關亦已著手調查。

Photo from 當事人提供

延伸閱讀：
【職業無貴賤】住豪宅父親貶低的士司機教仔，暗指揸的士「做底下層」？司機一番話令對方無言以對
延伸閱讀：
【家庭財務】丈夫婚後開共用帳戶 拒上繳財產　人妻呻老公零信任惹議
延伸閱讀：
【責任誰屬】小女孩撞倒食物被燙傷，父母要求食客賠全款惹議，網民：出事就不講理？
Text：Mami Editorial

Source：獲當事人授權