【職業無貴賤】住豪宅父親貶低的士司機教仔，暗指揸的士「做底下層」？司機一番話令對方無言以對

By wing.wong on 20 Jun 2023

所謂行行出狀元，職業無高低之分。一位的士司機在「的士司機資訊網 Taxi」發文，記錄近日載一對父子的對話，在車上，父親暗指的士司機「做底下層」，更叫司機「講句公道說話」勸兒子，最終卻被司機一番說話窒至無言以對，有關帖文引起熱議，網民紛紛大讚結尾大快人心。

Photo from 《降魔的》劇照

父親貶低的士司機教仔

該名的士司機表示，日前，他載了一家三口，目的地是「某豪宅」，一路上爸爸不停罵兒子「唔生性唔上進」，指他20多歲也沒什麼成績，又叫兒子：「你一係唔好再讀書喇，去揸的士啦！」兒子反問：「揸的士好失禮咩？」父親指：「唔係失禮，不過日日揸10幾個鐘，搵得又唔多，隨時周身病痛，做埋唔夠睇醫生啫！」甚至將話題扯至正在開車的司機：「唔信你問下師傅，有得選擇佢會選擇坐辦公室定揸的士？」、「你想住豪宅定劏房？」、「你係唔係一定要做底下層先開心？」、「師傅，你講句公道說話啦」。

Photo from 《某日某月》劇照

一番話令教仔父親無言以對

一連幾個問題後，司機表示自己一個月收入約18萬元，令該名父親非常驚訝，司機續指：「揸的士最多都係搵5萬一個月，其他收入係收租，加加埋埋年薪大概250萬左右」、「我年薪剩揸的士都70萬」，又表示：「不過同你比較應該差好遠，所以唔敢講！」兒子踢爆指：「我老豆年薪都未夠50萬！」該名父親質疑司機不可能收入達5萬元，但被司機一句：「其實。。唔好咁問，有啲7萬一個月大有人在，我都唔敢同人講自己搵幾多」，該名父親便無言以對。

Photo from 《愛回家之開心速遞》劇照

司機反寸該名父親

兒子聞言後，問父親：「老豆，咁我讀咁多書仲乜？」的士司機即指：「咁又唔同嘅，邊個做父母都希望自己兒女可以出人頭地啦！讀書始終係好事！」兒子追問：「咁點解你當年唔好好讀書？」司機坦言指：「我其實想讀，不過屋企太窮，窮到剩係得返啲錢，又有咁多的士要處理，老豆好早已經要我幫手管理，所以無得讀書」、「所以見你爸爸勸你讀書好感動，我老豆剩係識比錢我咋，一啲父愛都無」，父親此時開口問：「師傅，你真係咁有錢仲揸的士仲乜？」司機回答：「我屋企咁多的士，由細到大都係的士，大把車擺喺度無人揸，咁唔做的士做咩呀？」最終，父親未有再回應：「司機前面轉彎入閘呀唔該」。