【學校生活】仔女有太多娛樂愛好唔係好事？日本老師嘆時下學生因此難識到朋友！

學生時期識朋友，除咗係因為坐得近、住得近，有共同興趣、話題都係其中一個要素。日本一位老師通過Twitter發表自己對現今學生娛樂活動嘅睇法，認為娛樂、愛好太多係學生識唔到朋友嘅原因，有關帖文引起網民熱烈討論。

Photo from 《返校》劇照

娛樂變得多樣化

呢位自稱教師嘅樓主表示聽學生自我介紹嘅時候，發現：「以前學生喺自我介紹嘅時候話鍾意音樂、動漫，老師已經不足為奇，但近年娛樂變得太多樣化，同學（聽完其他同學自介嘅愛好後）都出現『那是什麼』嘅疑惑狀態。」

Photo from 《教束》劇照

太多娛樂興趣搞到識唔到朋友？

由於而家嘅娛樂興趣太多，一個大興趣中再分為唔同派別，例如聽歌，有啲學生鍾意日韓偶像，有人鍾意廣東話歌，亦有人鍾意樂隊。呢位老師指出：「已經冇可能容納大多數同學嘅娛樂興趣存在，我認為呢樣都係難識朋友嘅原因。」

Photo from 《女人俱樂部》劇照

好時代已經結束？！

今昔不同往日，以往大家嘅娛樂相對較少，未有現時多樣性選擇，但學生只需睇主流電視節目、雜誌，就可以搵到同好嘅朋友，有共同話題，對此，樓主感嘆：「（學生）淨係睇電視、雜誌嘅好時代已經一去不返。」

Photo from 《橙色奇蹟》劇照

學生都係用同一媒介接觸娛樂興趣

雖然學生各有所好，但樓主發現：「令人驚訝嘅係，學生接觸娛樂興趣嘅媒介（例如Instagram、YouTube）出奇地劃一化。」似乎係今日學生都會用嚟發掘娛樂興趣嘅媒體～

Photo from 《社內相親》劇照

網民提出學生一能力更重要

有關帖文引起網民討論，有網民嘆指：「喺課堂上培養興奮愛好嘅時代可能即將結束」，有人就講笑咁話：「所以大家嘅共同娛樂嚟講，模仿老師係一定會流行」，另有網民認為今日嘅小朋友學識「與想法不一嘅人交朋友嘅能力可能更重要！」

Photo from 《教束》劇照

延伸閱讀：
【正向教養】學生做手工不成 反破壞學校公物？ 　主任出馬不罰不罵 耐心引導彌補過錯
延伸閱讀：
【無理校規】落大雨家長擔遮接送子女上學 學校竟然不准入 揚言：沒帶「這物」就淋著吧
延伸閱讀：
【二手買賣】9歲兒子在學校二手市場花1元買金戒指 媽媽細看戒指雕刻 當場慌了：要盡快歸還！
Text：Mami Editorial