【產後媽修身好困難紮肚真係瘦到？同你分享傳統印尼紮肚只要18日】

By 90後P牌媽咪 on 16 Apr 2018

90後Fresh Grad媽媽，畢業不足半年做左媽媽，兒女係上天比我最大既祝福。充滿正能量既我，雖然年紀較細，人生經驗唔多，但懷孕過程中，令我對於育兒、教導亦有多左一番心得。希望藉住文章、Facebook Page帶到更多正面信息比一班同行者，同時記錄我懷孕過程同寶實既一點一滴。

係有左bb個陣，我就已經知我生完一定要紮肚，一黎想修身，想keep個d，二黎係想穩固返內臟既位置，改善腹直肌分離既問題，因為bb係個肚個陣係會令我地既內臟移位，而生完個肚承托力亦唔足夠。

紮肚係一項好貴好貴既療程，我自己紮個陣都好唔捨得，所以我都格左好多價，同埋紮完你都會發現係值得！我自己係上網搵紮肚個陣，有個媽媽介紹比我。大家都知，好多明星去既紮肚，紮十次都要成萬幾蚊，我就真係唔捨得既⋯⋯仲要好多都係要自己上去美容院紮，老實講，生完真係出門口既時間都無。而我紮肚既師傳係係印尼黎，收費比出面平，而且仲會上門幫你紮！

每次紮之前，師傳都會用印尼配方既野幫你按摩下個肚，去排走d肚風同加快令子宮回復返正常size。但因為我肚皮比較易敏感，所以我後期用返我以前搽妊娠紋既膏就算。之後佢會用3層既布幫你紮肚，一日比一日窄同緊，紮既呢段時間真係要忍耐！

（入面仲有兩層布紮住）

同埋紮完之後，會有個全身按摩幫你relax返，初初生完真係好攰，成身都好酸痛，按摩個陣，我真心覺得係人生一日享受，壓力，緊張都無晒！仲記得紮既第一日，師傳唔敢一開始幫我紮得太緊，但條腰即刻挺直返晒，真係好舒服！可能陀b個陣腰會慣左向後，生完之後，點樣用腰力都唔係好識，同埋我一訓底，條腰就會啪啪聲，紮住個陣好似幫我穩固返腰既位置，真係舒服好多！