【危機】大埔陌生男向兩女童搭訕「住邊度？」 女街坊見義勇為 一句嚇退男子
Photo from 《無價之保》劇照
發現陌生男走近幼女身邊
有網民在社交專頁「大埔 TAI PO」發帖，指一名女街坊與丈夫、BB在大埔廣福道麥當勞進食，鄰桌是外籍工人與兩名年約7至8歲的女童，事主丈夫首先發現，一名陌生男子待工人姐姐到快餐店上層購買食物期間，無緣無故走到兩名幼女的桌子，跟她們搭訕。事主說：「我老公突然同我講，後面果枱有個男人無啦啦行去坐喺兩個細路女隔離撩佢哋傾偈，我問老公會唔會係識架，老公話唔識啦，咁我就聽下佢哋講咩啦，個男人喺正我後面。」
Photo from MamiDaily
幫女童嚇退男子
女事主聽到陌生男子詢問女童：「住邊？」，兩名入世未深的幼女坦言回答：「大埔」。男子繼續追問居住大埔哪裏，女童支吾以對，男子仍不死心，不斷追問：「住邊個屋苑？」
見女童為難，又擔心她們安危，事主立即見義勇為：「我忍唔住，我向住兩個妹妹講：『陌生人問你住邊唔好答，知唔知啊？』佢哋點點頭，個男人即走。」事主兩夫妻一直陪兩女童直至工人姐姐拿着食物回來，後來二人搜尋全間快餐店，都不見陌生男人的踪影，於是透過Whatsapp公開事件，呼籲家長：「大家有小朋友小心d，唔知有咩企圖」。
Photo from 《無價之保》劇照
街坊遭遇同類事件
事件公開後，事主一家被高度表揚：「多謝你保護兩個小朋友」、「現今社會需要見義勇為」、「好人有好報」、「街坊需互助」、「真係好得人驚，樓主做得好！」。
另一方面，原來有大埔街坊經歷相似情況，「我朋友喺廣福道附近帶住個女，又係有個男人搭訕，問佢小朋友資料，嚇到佢好驚」，之後女童即時大叫，學校幫忙報警。
Photo from 《金宵大廈 2》劇照
亦有不少家長感到擔心，認為需要立即教導孩子，千萬不要跟陌生人傾偈，除了女童外，男童及工人姐姐亦需教導，「咩人都有，咩都會發生」、「男仔都要教唔好同陌生人搭訕！」、「有時工人姐姐諗唔到咁，要教埋工人姐姐有呢種危機意識」。
網民建議，大家要守望相助，一旦發現行事奇怪的陌生人，最好影相留下證據，「其實影低佢個樣留底好，尼D專門向兒童埋手既變態佬要向社會公開」。網友亦呼籲家長不要怕事，多留意身邊的情況，有時一句說話、一次協助，能夠挽救小孩離開危機。
Photo from 大埔 TAI PO 截圖
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
