【周末好去處 同小朋友返國內旅遊 話你知廣州番禺長隆有咩好玩】

【周末好去處 同小朋友返國內旅遊 話你知廣州番禺長隆有咩好玩】

爸媽分享 親子玩樂
By和牛B的成長日記 on 11 Apr 2018

今篇會一氣呵成完成圍繞長隆酒店食、住、玩三方面,所以內容及相片都會比較多。首先,我會講咗「住」,然後「玩」再到「食」。
 
  長隆熊貓酒店 我哋喺中旅社訂購復活節期間嘅酒店住宿(1晚)連船票(來回)連野生動物世界入場券(2張)嘅,價錢大概HKD2707。船票係去到蓮花港碼頭,過關後有免費接駁巴士,車程大概45分鐘左右就會到達長隆酒店。無睇錯,接駁巴士只會到長隆酒店停車,落車之後,步行大概5分鐘左右就會到達長隆熊貓酒店。   可以從地面橫過馬路或從天橋到長隆熊貓酒店,為安全起建我哋行天橋過酒,沿路都會見到好多卡通熊貓人物公仔。     酒店外圍色彩繽紛,仲有好多卡通熊貓公仔。     酒店大堂非常寬敞,好光猛,好Trendy之外,仲色彩繽紛,見到都會頓時感到開心愉快。  
  酒店大堂亦會有主題人物拍照時段,我哋一到步等待Check in嘅時候,就巧遇拍照時段了~  
  中旅社亦特設專櫃辦理酒店Check in服務,快好多呢!  
^ Trendy嘅設計   除咗酒店外圍有好多卡通熊貓公仔之外,酒店入面都有o架。  

^上酒店房間電梯大堂  
^ Lift都一樣好Trendy   「住」在酒店 酒店房間分咗男仔房同女仔房,搭Lift上房一出Lift就已經見到好多以熊貓為主題嘅壁畫、地毯、裝飾。男仔房同女仔房嘅分別,在於設計上同顏色上。
^ 酒店房樓層走廊嘅休息空間。   而且房間樓層嘅走廊,仲好粉紅色,好少女呀!!!     由內到外都被粉紅色重重包圍,入到酒店房間,靚到嘩一聲!!   全粉紅撞白色,真係好靚,我自己都好鍾意呀!!   ^ 仲有一個好可愛嘅兒童掛衣架。   ^ 床係Queen Size,我哋一家三口瞓都唔迫,仲好鬆動~   電視同書台係一齊嘅,電視框都一樣咁可愛!!     房間有個小露台,下面係飼養羊駝嘅位置,不過一直都無見到羊駝嘅出現。
*唔好之處係,有少少臭味。
    ^ 可愛嘅直身鏡子   ^ 茶水間部份都提供了好可愛嘅卡通熊貓造型水杯。 酒店房間另一來心位置,就係浴室部份了。鑽石形嘅鏡子,旁邊仲有一塊放大嘅鏡方便要化妝嘅我。     ^ 酒店提供嘅用品,包裝都好精美!! 毛巾仲繡上咗卡通熊貓公仔,超可愛呀!   ^ 漱口用嘅水杯都印上了卡通熊貓,超級的可愛呀!!   ^ 房間係用沐浴,透明玻璃隔住就係廁所,廁所再有玻璃門可以關上。     **貼心服務**: - 房間仲設有兩個適合香港嘅插蘇電掣位,啱晒唔記得帶變壓插蘇嘅我,仲有兩個USB插頭位添。   - 踏腳嘅矮櫈,方便小朋友企上櫈仔喺洗手間到洗手用。   「玩」在酒店 酒店入面有禮品店、餐廳、自助餐、便利店、休閒娛樂商店以及動物。     禮品店 (熊貓歡樂店) - 入面有大部份野生動物世界入面嘅精品,雖然款式唔及動物園齊,不過貨品都唔少o架。  

^ 虎媽媽上身,仲有可愛嘅樹熊手偶 ^ 孔雀開屏,除咗呢款仲有唔少尾巴款式,不過和牛B話唔鍾意。   休閒娛樂商店有兩間 (童趣廊及鸚鵡唱遊) - 「童趣廊」係一間食甜品嘅餐廳,入面有兒童遊樂設施供客人使用。     「鸚鵡唱遊」 - 入面有國內最Hit嘅一人自助唱K房,夾公仔機 (用硬幣、支付寶或微信付款),但酒店沒有提供硬幣找換,我無用支付寶或微信付款功能,所以對我嚟講極之唔方便。     便利店 (熊貓便利店) - 入面有好多零食、飲品,唯獨是欠缺杯麵呢…宵夜無望。     動物觀賞 - 除咗長隆酒店會有白虎睇之外,長隆熊貓酒店入面都有少量動物睇,從酒店大堂嘅休息區會有孔雀觀賞。     另外,酒店一頭一尾都有唔同嘅動物,有節尾狐猴、羊駝,另一側近美食小鎮外,有鸚鵡戶外展區,喺餐廳入面都可以睇到鸚鵡o架。     票務中心 - 遊客可以喺呢到換領入場券 (包括長隆野生動物世界),另外有自助取票機,換領已訂購之自助餐餐券。   之前我於官網訂咗酒店自助餐餐券,會收到官方嘅SMS,入面有一組號碼係適用於取券時用嘅。 操作超簡單,輸入該組數字,確認之後,佢就自動出票。 完成!!   「食」在酒店 由於喺中旅社買嘅套票無包餐飲,亦不設代訂服務。所以我就自己直接從長隆官方網站進行預訂。 【長隆官方網站:https://xzx.chimelong.com/?agent_id=4376】    *其實手機應用程式都可以預訂,但由於我冇支付寶、冇微信、冇中國銀行戶口嘅信用卡,我俾唔到錢,所以都係用返電腦上網會方便啲,經網站購買仲有得選擇用VISA/ MASTER卡俾錢。   熊貓酒店自助餐價錢如下;   

 

早餐

午餐

晚餐

時段

7am – 10am

11:30 - 2:30pm

5:30pm – 9pm

成人

RMB<span "courier="" ";mso-hansi-font-family:="" ";color:#6e6e6e;mso-font-kerning:="" "="" style="word-wrap: break-word;">¥118

RMB<span "courier="" ";mso-hansi-font-family:="" ";color:#6e6e6e;mso-font-kerning:="" "="" style="word-wrap: break-word;">¥198

RMB<span "courier="" ";mso-hansi-font-family:="" ";color:#6e6e6e;mso-font-kerning:="" "="" style="word-wrap: break-word;">¥248

小童

RMB<span "courier="" ";mso-hansi-font-family:="" ";color:#6e6e6e;mso-font-kerning:="" "="" style="word-wrap: break-word;">¥68

RMB<span "courier="" ";mso-hansi-font-family:="" ";color:#6e6e6e;mso-font-kerning:="" "="" style="word-wrap: break-word;">¥128

RMB<span "courier="" ";mso-hansi-font-family:="" ";color:#6e6e6e;mso-font-kerning:="" "="" style="word-wrap: break-word;">¥148

**兒童身高少於1米免費,兒童票價由1米至1.5米開始計。

我哋喺長隆熊貓酒店食咗兩餐自助餐,早餐及晚餐,兌返匯率早餐價錢大概HKD153/位大人,一家三口都係HKD306,而晚餐大概HKD295/位大人,一家三口都係HKD589。     **於酒店即場預訂自助餐仲有85折,不過如果係旺季,唔知會唔會爆場買唔到自助餐嘅券。  
  晚餐時段人流好多,食物種類都好多選擇。唯獨是我掛住食,人又多,所以完全忘記了影相分享。  
 
^ 可愛動物造型嘅中式包點
 
^ 蟲草花燉肉汁
 
^ 芝士龍蝦   自助餐入面嘅中庭位置,有個小舞台。每節自助餐都會有熊貓說故事時間,超吸引小朋友,晚餐時段人流比較多,好彩都搵到個見到舞台嘅位置。

  每隔15分鐘就會有一場講故事時段,入面嘅卡通人物會眨眼、郁動。  

廣告
廣告

 
第二朝早上,我哋繼續食長隆熊貓酒店嘅自助餐。 其實早餐嚟講,選擇都算多。
 

 

^ 我同和牛爸嘅部份早餐  


 
^ 和牛B最開心就係,一早有得食冬甩呀!
  除咗自助餐,酒店入面仲有美食小鎮,佢係酒店嘅Food court。入面有好多唔同嘅小食檔口,自己睇啱,落Order,自己拎埋位。  
  入面仲有兒童遊樂區,雖然簡單,但都可以俾小朋友娛樂一下。  

  仲設有Bar台位。  
  有唔少選擇,不過以中式食品為主。  
  窗口位仲可以觀賞金剛鸚鵡。
 
點餐嘅付款方法係以支付寶、微信為主,不設現金找續。如果無前兩者嘅話,可以喺入口旁申請一張儲值卡作支付,如果用唔晒可以兌換返人民幣。   點餐後,會有一張收據及一個拎餐提示器。  
 
  整個長隆之旅嘅分享文嚟到呢到要要完結了,當日回程去返長隆酒店辦理好預訂車票手續,就順便喺長隆酒店嘅餐廳午餐,又巧遇主題人物影相打招呼時間~   和牛B超級開心呀,仲有小丑哥哥送禮物,送咗份貼紙動物地圖。   --------------------------------------------------

Text & Photos : 和牛媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook