download MamiDaily 親子日常 app
【功課】學校要求做親子環保勞作  家長呻:唔知有咩意義

【功課】學校要求做親子環保勞作 家長呻:唔知有咩意義

mami熱話 親子新聞
By Dara on 11 Feb 2024
Deputy Managing Editor

本地學生學業繁重,每天都有大量功課,承受不少壓力。家長亦同樣不輕鬆,除了協助孩子溫習、跟上進度外,更要一起完成親子勞作。一位家長便在討論區大呻,不知道這些親子功課意義何在?

網民認為親子功課沒有意義Photo from 劇照《理想國》

用舊利是封做手工藝

一名家長在《香港討論區》發帖,主題是:「呢啲功課都幾無謂…」,她指正就讀小學的兒子,需要遞交一份環保手工藝,她覺得這類功課廢時失事。她說:「阿仔有份功課係要用舊利是封整舊嘢出嚟再拎返學校交,阿仔啲利是拆完係夠整呢件藝術品出嚟,但係整完仲煩過我直接拎啲利是封去回收,整完又要拆釘,有啲用膠紙痴完一撕就爛,拎唔到去回收仲浪費。」

事主指兒子的學校需要用利是封製作手工藝Photo from MamiDaily

發揮不到環保作用

她亦指有同班家長反映,因為沒有太多親戚在香港,所以收得很少利是,根本沒有足夠利是封做環保手工藝,只好用全新的利是封去整,發揮不到環保的原意。事主補充:「原意係想小朋友用舊利是封整啲手作仔,但係整完出嚟交完功課咪又係掉,真係唔整好過整!我都唔明由我以前讀書已經要整呢啲嘢,去到我個仔都仲要做有咩意義?」

網民直言親子功課猶如懲罰家長Photo from MamiDaily

用嚟懲罰家長

帖文引來不少家長回響,指這些親子功課,特別是家有年幼的子女,根本就是需要家長花時間、精力去完成。「呢啲手工都係家長幫手做」、「好多所謂親子功課,其實係用嚟懲罰家長!」、「正正經經畫幅畫可能仲有利小朋友」、「冇過樣整個樣,為咗玩花式」。有人指若覺得有問題,「何不直接跟學校/老師反映」。

網民指親子手工有其重要用處Photo from MamiDaily

學習按步就班

但另一方面,亦有不少人覺得親子功課很有意義,「最主要是令小朋友發揮創意....二次利用培養環保意識....」、「其實做環保手工藝只是灌輸環保意識,今次樓主覺得無謂,但下次仔仔見家裏有些廢物而覺得可利用,這就是老師的目的」。

有家長道出,做勞作期間,可以教孩子使用剪刀、釘書機、膠水等,以及如何按步就班完成一件作品,大家一起合作,是一次非常好的親子活動。「一年先三四次,又唔係日日做,你比心機整靚啲,得到其他人讃賞,小朋友會好開心」。大家又是否喜歡做親子功課呢?

 

延伸閱讀:

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道