【功課太多】開學不久功課多到日日做到夜晚11點　港媽呻壓力大：阿仔無晒神氣

Digital Editor

小朋友學業繁重，就連家長都覺得很大壓力！有港媽日前在網上大呻，稱雖然開學不久，但就讀小學的兒子已相當多功課，經常要做到深夜才做完，母子二人都被功課折騰得身心俱疲，大嘆「真係一啲都唔明點解啲老師畀咁多功課」。

Photo from ViuTV《反起跑線聯盟》

每日做功課至晚上11點

該名港媽日前在香港討論區以「啱啱開學就咁多功課」為題發文，指雖然才開學不久，但小朋友的學校已經要學生做很多功課，基本上每日中、英、數、常每科都至少要做1至2份。她稱加起上來的功課，「多到小朋友成日做功課做到夜晚11點幾先做完」。

Photo from ViuTV《反起跑線聯盟》

功課不只多，還要很難，小學的作業連大人都被考起，「有時小朋友唔識做問我，我都要上網搵下答案先教到佢」。功課問題令兒子每晚做功課至深夜，可是第二天一早便要再次起身返學。導致他才開學不久，「個樣已經攰左好多，冇晒神氣」，其精神上的變化令媽媽感到很擔憂。

面對目前處境，港媽不禁慨嘆「真係一啲都唔明點解啲老師畀咁多功課」。帖文很快便引起網民議論，有人認為小學功課簡單沒可能做到咁夜，「下午一點左右就放學，到晚上十一點先做晒？要做十個鐘？每樣功課平均十零分鐘做完啦」、「小學啲功課好多時都係十零分鐘就做完嘞喎，會唔會係做功課時好多干擾，唔夠專心？」

Photo from MamiDaily

也有人估計港媽是揀錯學校，「你揀得間學校都知佢多唔多功課，唔啱自己小朋友就快啲轉啦」、「邊間小學呀？係咪名校？」、「有冇諗過幫個仔轉間輕鬆D嘅學校？」、「據我所知普通區內名校，每科都3至5樣功課起跳，如作業、抄寫、補充、工作紙、網上功課，都未計改正……所以每日10至15樣功課係基本」。

延伸閱讀：

Text：Mami Editorial
Source：香港討論區

【隨時隨地接收更多育兒教育資訊】

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道