download MamiDaily 親子日常 app
【家教問題】學生搭巴士遇細路勁大聲傾偈 感覺好滋擾 提醒收細音量 人哋阿媽反罵:仲咩鬧小朋友

【家教問題】學生搭巴士遇細路勁大聲傾偈 感覺好滋擾 提醒收細音量 人哋阿媽反罵:仲咩鬧小朋友

mami熱話
By Fanny Hung on 03 Feb 2023
Senior Editor

很多家長帶小朋友外出時,最害怕是小朋友會過於喧鬧會影響到其他人,但有時候連家長本身也不覺得有問題,反而反指其他人「多事」。有學生日前搭巴士就遇到類似情況,好聲叫對方家長收細音量,反而遭指責沒有包容心﹐令事主非常生氣。

有網友說搭巴士被嘈音滋擾,好心提醒反被罵。Photo from MamiDaily

小朋友講嘢超大聲

該名相信是中學生的事主在網上平台分享,說某天中午和阿媽食完午飯後,便一同搭巴士回家,原本都相安無事,點知之後有兩位媽媽各自帶同讀幼稚園的女兒坐在事主前方,媽媽和女兒是分開坐的,點知兩位小朋友就一直「勁大聲咁傾偈」(事主形容很多人都應該知道小朋友傾偈係有幾大聲和周不時會大叫),然後兩位媽媽同樣大聲傾偈。

事主形容兩位小朋友聊天的聲量過大,已超出可接受範圍。Photo from MamiDaily

勸說收細音量反遭指責

持續了半個鐘後,事主忍不住和阿媽講,而事主阿媽就和兩位幼稚園學生的媽媽問:「可唔可以細聲啲?」豈料兩位阿媽點答:「小朋友傾偈咋嘛,你咁勁咪去搭私家車囉⋯⋯」、「仲咩喺度鬧啲小朋友啫,小朋友唔可以鬧㗎」。之後事主惟有選擇和阿媽很生氣的走到巴士下層,期間還聽到樓上兩位阿媽說:「好阻住你咩」。

事主指即使走到巴士下層,仍聽到兩位阿媽在罵他。Photo from MamiDaily

事主不忿責無家教

事主事後深深不忿,忍不住在網上抱怨:其一、巴士是公共場合,但生了小朋友就該有義務去照顧他,不要讓他滋擾到其他人。其二、事主阿媽「根本都無鬧到你」,不明白她們在說甚麼。其三、「咩小朋友唔鬧得?」有些事情是很基本的禮貌,又謂「唔通等到佢大個先教呀定係等老師教,呢啲應該係由細個開始學㗎,阿嬸知唔知咩係家教呀」。

事件發生後,事主直說對方無家教。Photo from MamiDaily

網民:媽媽都係咁何況小朋友

網友們看了事主的遭遇後,紛紛有不同意見,有人說「下次你應該講:你咁勁要大聲講嘢騷擾人,你應該要搭私家車,搭巴士就係要有公德心唔可以騷擾到人」、「他只是個孩子啊」。又有人說是家教問題,「佢哋媽媽都咁樣,更何況係啲小朋友。啲人成日當巴士係佢地屋企,有咁大聲就咁大聲,無顧及人地嘅感受,無啲公德心。好心提醒下佢、叫佢細聲少少就覺得人地鬧緊佢,玻璃心」、「難怪啲細路會咁有恃無恐,原來係佢哋阿媽教成咁。」

網民直言:「難怪啲細路會咁有恃無恐,原來係佢哋阿媽教成咁。」Photo from MamiDaily

延伸閱讀:

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道