download MamiDaily 親子日常 app
【全日制】小學生返全日一天8樣功課 做到深夜返學無精神 家長無奈

【全日制】小學生返全日一天8樣功課 做到深夜返學無精神 家長無奈

mami熱話 親子新聞
By Dara on 09 Dec 2022
Deputy Managing Editor

小學生功課繁忙並非近日的事,但過去數年因疫情關係,小學維持半日制,莘莘學子有充裕時間做功課。但隨着教育局放寛政策,由12月起陸續有學校由半天轉為全日上課,功課繁多這個問題再次令家長叫苦連天。

小學生每日有8份功課,經常做至深夜Photo from 劇照《愛回家之開心速遞》

做功課至深夜返學無精神

教育局早前放寬小學全日面授課堂安排,全校或全級達70%學生接種兩針,可申請恢復全日制面授。雖然本地大部份小學家長支持半日制,但恢復全日制已成事實,父母只好盡快讓子女適應全日上課的生活模式。惟功課問題,已令家長頭痛。有父母在FB專頁「小學試卷分享」發帖,指孩子每天有8份功課,晚晚做至深夜,翌日返學沒精神,希望可以減少功課數量。

事主留言:「其實班主任會唔會編排下啲功課量,一日有8樣功課,做到12點先瞓,第二日7點起身又半條命返學,又專心不到上堂,惡性循環,班主任可以溝通下個基制盡量不要每日太多功課嗎?」事主指小朋友現時4點幾放學,5點左右到屋企,6點左右沖涼,7 點左右食飯,然後開始做功課至深夜。帖文一出,引發不少家長討論。

家長指現時每天都有8份功課Photo from MamiDaily

轉返全日後,家長想調節功課數量Photo from 《智能愛人》劇照

網民指8樣屬正常數量

不少家長認為現時小學程度,每天8樣功課屬正常。「中英數常,8樣好正常喎!冇理由上咗堂冇功課嘛!」、「8樣是基本」、「8樣功課算少的哦」、「我女一日有時有12至15樣功課,作文加字帖,都是最多個半鐘(完成),8樣好平常咋」。有人直指學校要谷成績,競爭大,學生要在高壓下成長。

他們同時指出,功課數量不是班主任決定,而是校方決定,「其實班主任唔係主任嚟,佢哋無份話事,功課多少係睇學校政策」、「編功課量應該唔關班主任事,係一開始家長選呢間學校前,要知道學校功課考測量是否接受到。好多津校好多時都要全部學生一齊谷,先可以大機率保證升中成績」。有人分享經驗,指自己小朋友之前都是8樣功課,又要做網上功課,又要溫默書,完全無得休息,十分辛苦,因而對讀書提不到興趣,家長立即向學校反映,「之後班主任會對個別學生作出調整,現在我小朋友默書範圍少咗啲,佢起碼唔會逃避溫習,功課量少咗好多」。

網民建議陪伴孩子一起做功課,找出問題所在Photo from MamiDaily

建議轉一間輕鬆學校

學生學習分配時間是一個重要課題,有網友建議事主陪小朋友一起做功課,找出問題所在,「家長可幫小朋友訂立做功課/溫習時間表,養生好習慣」。如情況沒有改善,便考慮去補習社,甚至轉校,「你先了解一下是不是全班同學都做到12點,如果只係個別,建議你轉間輕鬆的學校讀」、「不過8樣至12樣功課既話,家長小朋友都好辛苦的,小朋友接受唔到,即係未必適合佢,要考慮吓轉輕鬆啲嘅學校」、「選擇一間合適的學校很重要,如果作業很難完成,不如轉一間輕鬆一點的學校」。

 

家長在網上分享功課太多的問題Photo from 翻攝自 小學試卷分享@FB

延伸閱讀:

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道