【孕期受濕疹影響 夜晚爆痕無得訓 新手媽話你知有咩抗濕疹心得】

西醫

開頭岩岩起個陣，其實我無理佢只系茶下保濕，

但問題愈黎愈嚴重，仲令到我訓吾到教。

所以 老公夜晚帶佐我去法國醫院睇門診，

醫生開佐敏感藥比我，同1%既類固醇比我。

1%的hydrocortisone cream系最輕微的藥量。

反到去我跟足醫生指示食藥茶藥，但對我黎講都系無用。

以前都試過皮膚敏感 食完敏感藥好好訓，但因為懷孕關係用藥好低，

可能我又一直以前都有用開類固醇同敏感藥，所以對我黎講小小用都無，

甚至食完都訓吾到，茶完藥膏都系不停r ,r到損哂。

中醫

系我訓吾著教底下，第二日搵佐附近既中醫睇。

叫李嘉欣醫生，系佢既調理後我晚上訓到教，濕疹都有好轉，

佢仲教埋我飲食，同埋幫我清胎毒。

系我有用藥同介口下，好好彩 一個月左右我濕疹好反，

而hena 出世都又白又滑，以下幾點系懷孕中濕疹者要注意的。

去濕湯水

好多人諗住飲去濕煲湯，其實懷孕期 吾系款款去濕湯水都岩飲。

好似 赤小豆扁豆湯，冬瓜薏米 都要小心飲，吾系個個體質都合適。

而土伏苓 對我黎講比較合適。 大家系煲湯前應該要查詢一下熟悉既中醫師。

介口

懷孕期好多時都會食燕窩 花膠，我開頭就系有小小敏感再繼續食，

所以發哂出黎，建議一有小小紅就停食 燕窩 花膠。

蝦蟹海鮮類，所有有殻既海鮮都要停食，都系濕毒的。

我系濕疹期間只系食魚，而成個懷孕過程都無食蝦蟹。

濕疹期間要遠離花生同濕毒既生果eg 芒果，榴槤 ，荔枝...

奶類豆類 雖然系懷孕期間系不可缺少，

但系特別痕癢既日子我都停食，開始有好轉先慢慢食反。

而辛辣食品都要小食～

溫水沖涼＋勤力保濕

記得濕疹期間吾好用太熱既水沖涼，沖完涼馬上茶野。

濕疹皮膚其實比一般皮膚更乾，由其我茶過類固醇，皮膚會甩皮禁。

濕疹期間要用低敏，無香料無酒精既潤膚膏。

有時太乾我仲會加小小椰子油同cream mix埋一齊用。

添加營養補充品

因為濕疹關係 要介好多口，驚營養吾足夠，

所以我有補充維他命，同自己調節左益生菌同鈣丸既份量。

如果媽媽真系不幸懷孕期間患有濕疹，個人建議清胎毒真系要落多d心機，如果相信中醫妨搵中醫師幫下手，吾系怕bb出世皮膚會有紅點。雖然介口過程同食中藥真系好辛苦，但見到bb出黎又白又滑真系咩都抵反哂。

吾知我既經驗分享又幫吾幫到您地呢，而您地又點解決呢 :)

Text & Photos : Rina Lam

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！