【霸王餐】中秋節將至人夫大呻頂唔順老婆家人 怒斥全部人聚餐唔夾錢又多多要求

【霸王餐】中秋節將至人夫大呻頂唔順老婆家人 怒斥全部人聚餐唔夾錢又多多要求

家庭關係 夫妻關係
By Louisa on 07 Sep 2022
Digital Editor

中秋節將至,不少家庭都為中秋團圓聚餐做好準備。不過本港一名人夫卻發文大呻,稱每次跟老婆的家人聚餐,永遠都是由他和老婆出錢,其他人個個有工返卻老馮唔夾錢,讓他非常不滿。

人夫大呻老婆家人習慣食飯唔夾錢。Photo from ViuTV《反起跑線聯盟》

人夫怒插老婆家人

該名人夫在香港討論區以「頂唔順老婆嘅屋企人 成人搵我哋笨」為題發文,他指每逢佳節、生日都會跟老婆的家人食飯,而當中的成員包括老婆的父母、家姐、姐夫、妹妹和妹夫。然而每次食飯,都例必由他和老婆出錢,「真係好間唔中,先至係佢呀媽俾下錢」。

老婆家人總是食「霸王餐 」

老婆的家人慣性理所當然食「霸王餐」的舉動讓人夫深深不忿,直斥「佢D屋企人個個都有工返、結晒婚,永遠食飯都唔比錢,夾錢都無」,卻又要求多多「唔比錢又要揀食泰國嘢、又要食海鮮」。因此很多時都是人夫和太太「又要買埋,準備埋,錢又要出晒」,他大嘆「真係痴X線」。

姨仔呻老公家姐食飯唔夾錢

人夫又提到,即使是爸爸媽媽生日,老婆的家姐細妹都不會夾錢,「最慘係我老婆生日,佢哋都唔出下錢請我老婆食飯,又要我地自己出錢」。老婆的妹妹經常曬命指自己「又去邊度食好嘢,又成日睇演唱會」,甚至會向他們大呻「佢老公個家姐兩公婆,又係出嚟食飯唔俾錢」,讓人夫無奈道:「喺話人哋嘅同時,咪又俾我睇到你咪又係同一類人」。

姨仔平日吃飯不夾錢,卻又呻老公家姐食飯不夾錢。Photo from TVB《愛回家》

廣告
廣告

中秋將至令人夫有感而發

而老婆的家人食飯唔夾錢的情況,其實已維持3、4年,他稱自己和老婆都是生活平實的人,並非搵得特別多。故此如今中秋將至,人夫坦言「我真係唔想出,因為又實係我哋出晒錢」。他指若不是老婆重感情,「呢啲屋企人見得愈小愈好,或者一年都唔好再見」。

過來人給出意見

帖文一出,即有過來人留言回應,建議除大時大節同兩大長老生日,「其他家庭聚會唔出席」、「努力製做下一代。女人有咗自己仔女就會變,將資源集中自己仔女身上,唔會亂花不必要的錢」、「教老婆投資」建立理財觀念,以及「最重要係令老婆明白太有『責任感』的嚴重性。當大家老咗係咪要繼續養佢弟妹全家?到時先放手會唔會反面?自己仔女會點諗?」。網民指雖然若不再做「水魚」,「關係一定無以前咁『好』,但要用錢買親情已經唔純潔,有乜所謂。」

人父左右做人難,不知如何是好。Photo from TVB《BB來了》

老婆態度讓人夫感無奈

也有人認為應該趁這個中秋開始夾錢,「否則未來仲有幾十年,點捱?」而人夫亦有指其實曾試過開聲叫大家夾錢,可是老婆卻著他「唔好咁樣同佢屋企人計算,咁樣計會令到佢唔開心」。老婆又認為若「咁樣同佢哋屋企人計,即係我唔當佢哋係屋企人」,說法讓人夫感到難以理解。

Text:Mami Editorial
Source:香港討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道