【送禮物】新抱用消費券再補錢送上貼心禮物　驚喜變驚嚇反而激嬲奶奶

家庭關係

By Louisa on 12 Aug 2022

Digital Editor

老人家辛苦大半輩子，作為後輩都會盡孝心氹長老們開心。本港有人妻卻在網上大呻，稱見奶奶最近經常周身骨痛，於是便跟老公夾消費券再補錢，為奶奶送上一份貼心大禮。不料最終驚喜變驚嚇，本來送禮開心事卻惹奶奶生氣。

Photo from MamiDaily

奶奶腰酸骨痛

該名人妻日前在《香港討論區》以「買嘢送俾奶奶反而激嬲咗佢」為題發文，指近日奶奶成日話周身痛，但又不捨得每個星期畀錢去做揼骨推拿。每次去奶奶家中吃飯，都「見到佢痴到周身膏布」，令她和老公看在眼內都非常心痛。

預備驚喜禮物

於是人妻和老公便決定買按摩椅送給奶奶，讓她每日坐在家中看電視都可以按。適逢消費券剛發放，他們便用消費券再補少少錢，為奶奶精心挑選了一張按摩椅，並安排好送貨上門。他們並沒有將事情提前告知奶奶，因為想送貨時給她一個驚喜。

Photo from MamiDaily

反被奶奶斥責

豈料到了送貨日，奶奶竟怒氣沖沖地打電話給人妻道：「點解買按摩椅俾佢唔話佢知？」原來老爺奶奶早兩日也買了同牌子甚至同款的按摩椅，於是她很勞氣地說：「一間屋有兩張按摩椅又冇位擺，係咪逼佢掉咗張梳化喺廳放兩張按摩椅？」

驚喜變驚嚇

後來人妻立即將事件告知老公，可是他卻不覺得有甚麼大不了，更指「放兩張按摩椅幾好呀，一人一張唔使爭」。幸好之後人妻成功說服老公，著他自己打電話氹返奶奶，令她大嘆「如果唔係我都唔知點收科」。不過事情的發展讓人妻感到無奈，「冇諗過件事會搞成咁，原本想好地地俾驚喜老爺奶奶而家變咗驚嚇。」

Photo from TVB《智能愛人》

網民：送禮要小心

網民看過帖文後都留言安慰人妻，並同意送禮並不容易，「有時送禮都要小心，唔一定你有心，人地就會開心嘅」、「懂得孝順，都係一份心意」、「有時送大件嘢，真系預先講聲好啲。」有過來人表示自己也有類似經驗，「我當年，明明係我老公話奶奶鍾意食蛋撻，我地仲突登等新鮮出爐買到上去，佢黑晒臉話我買呢D野食俾佢做乜，好似我想毒死佢咁」。