【紥肚9日減3寸仲可以矯正盆骨？親身體驗紥肚修身有幾堅】

By Ms Leely and Pbear on 24 Mar 2018

新手媽媽，本身是設計師，主修舞台服裝設計，曾在英國，美國舉行Fashion show ! 2017年，年初一誕下小寶寶Pbear 做全職媽媽，喜歡和大家分享媽寶生活趣事，和時裝化妝心得！ https://www.facebook.com/pg/MsLeelyandPbear

在 FH Remodel 紮身已經第9日，療程已過了一半有多，等Ms Leely update 一下大家我最近修身成果！

第一星期

去紥肚前，我特登找回未結婚前的牛仔褲試穿，但完全穿不上，大概到了Pat pat位置就卡住了！第一天去紮身，其實都有少少唔習慣，你要知道，之前個肚日日都咁free，依家每日個肚都紮住！真係幾唔習慣嫁，不過還好，紮身完全冇影響我日常生活。可以照樣行街，食飯，睇戲，照顧BB！因為我盆骨移位，所以第一星期集中矯正盆骨。短短幾日已經有明顯改善！第三日再次穿牛仔褲，一下子就著到，令我完全冇節食嘅情況下都可以修到身。

第二星期

之前因為生BB身體內有吸左太多風，治療師幫我紮身之後，排走身體內多餘的空氣，加上全身按摩和通淋巴，令我經常burp(打嗝)，但將多餘空氣排走之後，舒服左好多，腰又明顯瘦了。最重要係，今個星期再試穿同一條牛仔褲，有好明顯分別！非常鼓舞～大家一定要密切留意 Ms Leely & Pbear Facebook page 最後呢個星期的修身日記。

自從第一個紮身post 出咗之後，好多媽媽都想知道更多，Ms Leely 整合了近十題Q&A. 希望解決到大家嘅問題！

—————————————————————

紮身 Q&A

1. 咩係紮身？

懷孕時產生荷爾蒙 relaxin，雖然令到腹直肌分離(假肚腩)，盆骨變寬，內臟移位；但同時亦能幫助媽媽產後修身，透過一條布帶，由盆骨至胸骨，一圈一圈為媽媽度身訂造一件最合身的束衣。

2. 點解我要紮身？

因為成日抱Pbear 搞到姿勢唔正確，經常用肚頂住Pbear, 令盆骨突出。古法紮肚係由盆骨一路紮上去，可以將前面的肌肉拉埋、修復，亦可以令我改善背痛。脂肪係紮唔走嘅，但可以將脂肪細胞壓細，而做古法紮肚因為可以支撑骨骼，令背肌紓緩，盆骨可以拉番緊。改善姿勢，令你 body gesture 變靚。

3. 生完幾耐開始紮？

外面好多紮肚公司都會同你講生完兩星期就可以開始紮，但係我已經生完一年先去紮，依然有好好嘅效果！我更加聽過有50歲嘅媽媽，因為要娶新抱所以去紥身，都一樣可以修到身。其實最重要係幫你紥嘅人手勢、力度掌握等，如果隨便亂紥有機會整傷身體。

4. FH Remodel 同外面紮身公司有咩唔同？

外面多數用草藥治療方法，但我怕我會皮膚敏感，又怕影響餵人奶，你知啦，媽媽用啲咩BB就食啲咩，又唔知Pbear 會對咩敏感； FH Remodel 治療師為我度身調配的有機按摩油全身淋巴按摩；再將臍燭放於肚臍上可以幫助腸臟蠕動，驅風去水腫，所有用料都有證書，令我很安心。最後為我綁上紮身布，針對不同部位調校力度由盆骨到胸骨。