【開學日】阿仔身上現怪異紅點嚇壞媽媽　為避開學想盡辦法港媽網上求救

mami熱話親子新聞

By Louisa on 31 Aug 2022

Digital Editor

明天就是9月1日開學日，大家的小朋友收拾好心情重返校園未呢？有名港媽日前在網上吐苦水，稱兒子非常討厭返學，過去曾為了逃避返學而想盡辦法製造各種「意外」。開學日將至，港媽逐向網民求救：「有咩方法可以令小朋友鍾意返學呀？」

Photo from TVB《寶寶大過天》

開學港媽心情複雜

該名港媽日前在香港討論區以「阿仔為左唔返學真係咩都做得出」為題發文，表示進入開學季節，她便覺得心情很複雜，興奮的同時又感到憂慮。她指雖然兒子開學後，她便不用花全日時間看管小朋友，如此自己就可以有更多時間做自己嘢。

每次放學必喊

然而另一方面，兒子卻非常抗拒上學，每次放完長假後再返學，都例必會「驚返學喺到喊」。港媽更指兒子為了避開不上學，甚至會出盡各種「鬼主意」！她直指兒子「為咗唔返學佢真係咩都試過做」，狀況讓港媽感到憂慮又擔心。

Photo from ViuTV《暖男爸爸》

身上突現奇怪紅點

她分享有一次早上叫兒子起床上學時，發現他身上長滿紅點，乍看之下以為兒子出水痘，令她嚇了一跳。不料仔細一看，竟發現原來那些「水痘」原來「擦得甩」，始揭發「個衰仔竟然偷偷地用我支唇膏畫一點點，係到扮出水痘」。港媽指幸好兒子「畫得衰」，否則真的有機會被他騙到。

校服不見了

又試過有一次準備上學時，兒子故意將校服藏起來，然後「扮嘢話校服唔見咗返唔到學」。當時港媽心想「但佢無諗到其實買咗幾套校服畀佢」，即使收埋了一套，還是會有第二套。各種「事故」讓港媽不禁對開學日又愛又恨，同時苦惱「有咩方法可以令小朋友鍾意返學呀？」

Photo from TVB《寶寶大過天》

網民建議先關心背後原因

帖文一出，即有不少網民留言指重點並非如何讓兒子喜歡上學，而是應先了解小朋友抗拒上學的原因，「你係咪先要搞清楚，為何你個仔唔鍾意返學」、「仔仔係咪有唔開心所以唔想返學？」、「返學有否受到欺凌，得搞清楚」、「其實有邊個係鐘意返學架，我細個仲試過逃學添。留意下係咪返得唔開心，有必要時轉校換個新環境都係好方法」。