【婆媳問題】老婆帶初生B返娘家住激嬲奶奶　被指唔當港爸左右做人難：婆媳問題係定律？

家庭關係

By Louisa on 24 Aug 2022

Digital Editor

婚後要跟四大長老溝通是門學問，本港日前有名人夫在網上發文大呻稱由於自己工作繁忙，因此讓老婆帶年幼女兒回娘家暫住半個月，請外父外母幫忙照顧。未料最後因為這個安排而惹怒媽媽，她更遷怒新抱，斥責新抱不把自己當家人，令人夫有感左右做人難。

Photo from TVB《BB來了》

人夫讓老婆帶B女返娘家

該名人夫日前在《連登討論區》以「婆媳問題係唔係定律黎？」為題發文，他稱自己最近工作非常忙碌，經常很夜才放工回家，家庭雜務都幫唔到手。有見及此，他提議老婆帶未夠1歲的女兒回娘家暫住半個月，請外父外母幫手照顧，而樓主自己便可全心專注工作。

媽媽對安排無意見

樓主有將這個安排預先告知父母，又表示每逢星期六日若他不用加班工作，便會跟太太和BB回家過夜，但如果「我需要開OT，咁就冇㗎啦，佢可以選擇自行前往親家屋企探BB」，而當時媽媽對此安排亦無意見。

Photo from TVB《BB來了》

要OT無法回家過夜

最初大家都相安無事，因為每個星期他們舉家都有回去過夜。直至上星期撞正樓主真的要OT，他便打電話給媽媽說：「返唔到嚟，今個禮拜見少一次」。未料對方竟大發脾氣，怒斥「點解我老婆唔可以自己一個帶BB黎瞓過夜，鬧個新抱唔當佢係屋企人，唔肯自己一個帶BB黎瞓過夜」。

父母嬲爆拒再見新抱

目前父母生氣得雙雙退出家庭通訊群組，而樓主的爸爸更表示「我返去探佢地可以，帶埋BB都好，但新抱不要再出現了，因為佢唔當佢哋係屋企人」，加上媽媽見到新抱都不會高興。父母表明「冇逼我離婚，話老婆係陪你一世你自己揀，但就話唔見囉」，樓主目前左右做人難，逐請網民評理並給意見。

Photo from TVB《BB來了》

網民轟人夫未做好中間人

帖文隨即引起網民討論，有人認為樓主父母根本是小題大做，「分分鐘係覺得點解外家有得成日見粒孫，佢哋無，唔公平」、「黐黐哋線，一次半次，想見個B咪自己過去探囉」。亦有人批評樓主沒有做好中間人角色，「你真係好似第三者睇住故事發展咁，畀人嘅感覺係好事不關己咁」、「乜都知但係就唔幫老婆講說話，因為驚老母發爛渣」、「已搵到問題嘅核心，就係樓主你」、「你先係一家之主，似返個男人啦」。