【求婚】孤寒男呼朋喚友籌備求婚目的不純 準新娘好姐妹嗌「咁樣求婚真係好肉酸!」

【求婚】孤寒男呼朋喚友籌備求婚目的不純 準新娘好姐妹嗌「咁樣求婚真係好肉酸!」

mami熱話
By ashly.eng on 17 Aug 2022
Digital Editor

雖說真愛無價,然而一場精心策劃的求婚依舊是兩個人共存的美好回憶。不過日前有網友就在網上吐槽好姐妹男友,不止求婚超隨便,最後竟然還要多名姐妹朋友幫忙平攤酒店的佈置費用,直呼「好肉酸」!

女事主應邀出席好姐妹男友的求婚,其實只是被當成苦力,甚至被要求平攤費用。Photo from MamiDaily

孤寒男呼朋喚友佈置求婚場地

日前,一名網友通過討論發帖,指兩個月前自己應好姐妹男友邀請,參與了對方的求婚計劃,加上其他姐妹及男方友人,組成6人的求婚助攻團。事主曾詢問男子需不需要幫買求婚道具,結果對方「拍晒心口話已經買晒唔使我哋出錢,只係要我哋幫手佈置到靚靚就得」,事主也就放心等待求婚那天到來。

好姐妹們一早就到酒店幫忙佈置求婚場地,由於沒有工具,只能口動吹氣球。Photo from 《愛回家之開心速遞》

求婚道具遭批窮酸

結果求婚當天,事主發現男子只是網購了字母氣球、假花,場面窮酸,不禁為好姐妹感到不值:「買花都唔係買真花要買假花,到底想點?係咪驚有人會鼻敏感?唔買真花,你買乾花都好呀,買膠花係咩意思?就只係得8個字母氣球加5個普通氣球同埋一紮假花,連去深水埗都可以買到嘅平平燈飾都冇。」

加上沒有充氣泵,事主和友人只能口動吹氣球,不禁哀嘆:「整求婚氣球嗰陣見到佢係淘寶買返嚟邊度買唔係重點,重點係佢竟然冇買到泵氣個舊嘢,只係得條飲管仔要用口吹!」最後大家只能勉強靠酒店房內的燈光營造浪漫氣氛。

女事主指好姐妹男友甚至只買了假花求婚。Photo from MamiDaily

求婚成功 要求平攤費用

幸好最後求婚成功進行,助攻團也收工離開,留小倆口甜蜜staycation,結果途中卻收到男子發來消息,要求大家和他平攤氣球、膠花、酒店房錢,瞬間讓事主怒氣爆發。

「求婚係你求㗎喎,酒店房都算啦,當我哋喺房嘅時間耐過佢哋,氣球同膠花錢都要問我哋收返係咩事?淘寶買返嚟,最多連埋運費都係50蚊,咁都要除返條數?」

廣告
廣告

事主認為男子行為只是在利用朋友,直言「咁樣求婚真係好肉酸」!

事主直言:「咁樣求婚真係好肉酸!」Photo from 《愛回家之開心速遞》

網民直言「叫你姊妹唔好嫁佢」

對於事主遭遇,網民也認為男子太小家,別人求婚成功是請友人吃飯,他反而問別人收錢,紛紛勸事主轉告好姐妹,請她重新考慮對方是否值得嫁,「咁搞笑,乜唔係求婚果個請人地食飯,點解要人地比錢」、「真係好大嘅笑話」、「慳錢孤寒厲毒小氣」、「孤寒到咁,呢啲稀有動物,唔好結婚啦」、「叫你姊妹唔好嫁佢啦」。

 

網民認為女事主應該勸好姐妹重新考慮是否要嫁給孤寒男。Photo from 《那些我愛過的人》

延伸閱讀:

Text:Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道