【暑假去玩】囝囝話想落公園玩竟被爸爸激動掌摑 港媽無奈:都唔知點同個仔解釋

【暑假去玩】囝囝話想落公園玩竟被爸爸激動掌摑 港媽無奈:都唔知點同個仔解釋

mami熱話 親子新聞
By Louisa on 11 Aug 2022
Digital Editor

暑假當然要趁機玩個夠,不過有港媽卻在網上分享,指囝囝日前表示想落樓下公園玩,竟因為1句話激嬲爸爸,更慘被掌摑。知道背後原因的港媽於是感到非常無奈,亦不知要如何向兒子解釋,讓她很苦惱。

港媽稱兒子扭計要到公園話,竟因1句說話被爸爸掌摑。Photo from MamiDaily

兒子堅持去公園玩

該名港媽日前在《香港討論區》以「阿仔講完呢句說話,老公狠狠地打咗佢一巴」為題發文,稱囝囝正放暑假,而老公亦剛好放假,便打算一家人出街去玩。原本預計會去行街睇戲食飯,可是囝囝卻對此行程不滿意,扭計堅持要落樓下公園玩。

爸爸因為迷信,而拒絕帶兒子在農曆7月到公園。Photo from TVB《寶寶大過天》

老公為人迷信

不料此要求卻意外激嬲爸爸,港媽解釋老公為人迷信,他「覺得農曆7月唔好去公園玩,驚好易撞到『好朋友』」,因此他無論如何也會阻止兒子到公園。於是他嘗試氹兒子說:「爸爸帶你去行街食雪糕啦!」可是囝囝毫不賣帳繼續扭計,稱「唔要呀,明明樓下公園有好多小朋友玩緊,點解我唔可以一齊落去玩?」

夫妻二人都不知該如何向兒子解釋事情。Photo from TVB《寶寶大過天》

廣告
廣告

被兒子一句話嚇呆

港媽指他們的家一望落樓下便可看到公園,於是她下意識望下去,卻發現樓下公園根本空無一人,而且亦開始下雨。老公聞言即「嚇到癲咗」, 竟激動得「起手就打咗落阿仔塊面度,叫佢唔好亂講嘢」。無辜被打的囝囝隨即大喊,他完全不明白為甚麼要被爸爸打,於是哭著入房躲起來,更揚言「今日除咗落樓下公園玩之外,佢唔會出街」。

兒子無辜被打後大發脾氣。 Photo from MamiDaily

網民斥反應過大

港媽指現在「阿仔嬲咗老公」,她又不知該如何向兒子解釋,「要點同阿仔講佢見到嘅未必係人?」目前她只希望「晏啲老爺奶奶上到嚟可以幫手氹返阿仔」。有網民看過帖文後,都認為爸爸反應太大,「又唔洗郁手打仔啊?」、「可能係落雨前真係有小朋友玩緊,一落雨咪走晒,洗乜自己嚇自己」、「恐怕係爸爸自己心中有鬼先咁疑神疑鬼」、「自己驚鬼就要打個仔?」

Text:Mami Editorial
Source:香港討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道