【功課意義】K1小朋友功課要用木板整音樂盒 難為父母:依家幼稚園啲功課咁難

【功課意義】K1小朋友功課要用木板整音樂盒 難為父母:依家幼稚園啲功課咁難

mami熱話 親子新聞
By Louisa on 19 Jul 2022
Digital Editor

人們對小朋友的要求越來越高,學校課程變相也越來越難。若學校功課的要求超出小朋友能力,最終變成難為了家長。有網民經常在網上看到由於小朋友的功課太難,而要由父母代勞,令他有感功課已失去原本意義,逐質問:「依家幼稚園啲功課咁鬼難㗎咩?」

有網民嘆現今幼稚園的功課太難。Photo from ViuTV《反起跑線聯盟》

K1要用木板做音樂盒

該網民日前在「香港討論區」發文,他表示近日看到有位家長朋友在社交平台上大呻,K1女兒有份功課要自製音樂盒,而學校只提供了木板作材料,然後叫小朋友回家製作,第二日便要交功課。網民質疑這份功課對於K1小朋友來說太難,學校亦沒有作適當的支援,最終難為了家長。

不少勞作功課都要由家長代勞完成。Photo from ViuTV《反起跑線聯盟》

功課由家長完成

廣告

網民怒斥「連個音樂盒都唔識叫小朋友(家長)點樣整個音樂盒出黎呀?」然後他追問那位朋友最後那份功課如何處理,朋友表示「份功課變咗佢同佢老公做,個女喺盒上面畫畫就交咗」。網民質疑小朋友可能連筷子都未揸得穩,便被學校要求去做木工。對此他認為若功課太難,最後逼於無奈要由家長完成,便失去做功課的意義,「如果話係親子功課都可以等小朋友同家長一齊做,但係份功課講明希望小朋友自己做先癲」。

若程度超出小朋友的能力,便失去功課的意義。Photo from ViuTV《反起跑線聯盟》

慨嘆現在的功課太難

他又分享曾看過另一位媽媽分享,稱其K2兒子有份功課要捉一隻活生生的螞蟻回學校,他不明白這份功課的目的,「K2咋喎,咁快就要上生物堂?」各種奇怪見聞讓他有感現在不只小學生的功課難做,「估唔到連幼稚園啲功課都咁難。好多功課已經變咗係老師畀家長完成,再叫小朋友返學校交功課。以前我小學最難既功課只係種綠豆咋!」

高難度功課是難為家長還是為了滿足家長?Photo from ViuTV《反起跑線聯盟》

高難度功課為滿足家長

廣告

其他網民看到帖文後認同樓主所言,「惡性循環來的。有些學校為了滿足家長的虛榮心,設計一些不屬該年紀的功課」、「根本就係家長讀書多過小朋友讀書」、「如果唔係啲家長邊有得影上網打卡」、「有人畀大筆錢小朋友去讀名校幼稚園都可能係為咗咁」。

有網民認為這取決於家長的心態。Photo from ViuTV《反起跑線聯盟》

網民:心態問題

不過也有人認為這在於家長的心態,「我唔會幫小朋友做,呢個情況我最多引導佢自己發揮創意,唔理佢整成點都照交,反正分數並唔重要」、「我女K2要用廢物做玩具帶返學校,我只用枝棍仔、維他奶盒加條橡筋,做個類似燈籠雀仔咁彈下彈下。其他同學仔勁喇,紙皮扭蛋機、紙皮波子機、穿上身可以變形嘅Thomas火車頭。原來上堂要小朋友講出玩具用咩做、點做、廢物由邊度嚟。我女就全部答得出,其他小朋友完全唔識答,反而令佢哋容易無咗自信,所以做得太復雜其寶係無用的。」

Text:Mami Editorial
Source:香港討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道