【戒奶嘴】5歲Kakaball遭公審「咁大個仲食奶嘴」 張繼聰霸氣回應網民質疑
相信不少父母都有類似經歷，就是當別人知道你有子女時，小朋友的衣食住行彷彿都會遭到指手畫腳。日前是張繼聰和謝安琪囡囡張靖（Kakaball）的幼稚園畢業禮，5歲Kakaball表情多多、活潑可愛，而張繼聰亦不吝嗇向網民曬愛女。不過可愛影片竟然遭到網民公審？
Photo from 張繼聰IG
Photo from 張繼聰IG
張繼聰分享囡囡可愛影片
事源張繼聰在IG上載一條Kakaball的短片，片中她穿上一身紅色的米妮老鼠睡衣，口中咬著奶嘴在家中不同各落向鏡頭搞笑打招呼。Kakaball笑容可掬相當可愛，不少網友都笑指片段無限重複非常治癒，直言可以看個不停。不過也有人留言質疑，「咁大個都用奶嘴」、「食奶嘴影響牙齒成長同埋含住d嘢驚爛牙和有衛生問題」。
Photo from 張繼聰IG
片段內容遭網民質疑
而張繼聰即霸氣留言護女：「有咩問題？」他認為網民太過緊張著大家放鬆，「依個世界真係好多人關注人哋嘅小朋友點解食奶咀，我做老豆都未慌，你哋定d嚟啦。」對於Kakaball 5歲仍食奶嘴，他覺得「我嘅睇法係，大人都會有好多壞習慣，好多時仲會影響人，小朋友想食奶嘴，其實無傷大雅，佢唔會廿四小時狂食直到18歲呱？」
Photo from 張繼聰IG
用1方法幫囝囝戒奶嘴
張繼聰又透露其實大仔張瞻長大後，曾經亦有食奶嘴的習慣，而爸爸便用一句話成功幫囝囝將之戒掉。他憶述當時自己這樣跟兒子說：「你放心食，食到幾多歲都得，不過將來有女朋友，你諗吓會唔會影響大家嘅感情。」於是兒子真的很快便沒有再食奶嘴。
Photo from 張繼聰IG
回應獲網民力撐
張繼聰發聲後獲不少網民留言支持，「自己嗰個都未管得掂就走去管人地嗰個」、「我仔5歲都未戒奶嘴我都未謊，佢淨係鍾意係屋企食啫，都唔影響到人未由得佢囉」、「小朋友食奶咀啫，又唔係食煙！做咩啫，犯法咩？」
Text：Mami Editorial
Source：張繼聰IG
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
