【親子好去處】一家四口$200全年任玩濕地公園闖巨型樹屋探貝貝紅樹林浮橋

By 浠姐、小肥滺與金仔 on 23 May 2022

很夢幻地成為了三個小朋友??????的媽媽，橫跨新生、幼稚園及小學的領域。雖然每日生活都十分忙碌，但忙碌中仍然有不少小確幸。希望同大家分享食分享玩，分享著平凡中的不平凡。

開返啦開返啦！咁去邊度好呢？心願實在太多，心大心細之下就去咗呢個集郊外生態遊+樹屋滑梯+室內餐廳+展覽於一身的天水圍濕地公園啦！ (係咪好有學生時代感覺呢!)話晒都係政府場地，所以配套設施會比較好，場內有訪客中心停車場及後備停車場（時租只需要$8）。而且很重要的一點，就係會有比較乾淨的廁所（帶住3個小朋友感覺十分良好），仲有洗手設施，啱晒經常要洗手洗手洗手的我們。(臨上車先都可以洗乾淨對手)

Photo from 浠姐、小肥滺與金仔

◎門票

收費十分抵玩，成人$30，小童$15（3歲以下免費）。而且仲有半年及全年費，現時仲有家庭套票優惠，一家四口只需$200就可以有全年任玩。基於玩3次已經回本，秋冬嚟就更加舒服，所以我哋就整咗個全年證啦！

首先可以問職員拎份表格，再填上一家四口個人資料 (要記得小朋友身份證呀!)，最後一步就係影相 (如下圖爸爸咁)，即場影相即場做證。

Photo from 浠姐、小肥滺與金仔

◎生態迷宮

生態迷宮帶領訪客前往景色怡人的綠化屋頂。訪客需要解答一些關於濕地生態的問題，才能找到迷宮的出口。
因目標明確關係，大家都係跑咗2圈就離開，下次去要再玩!

Photo from 浠姐、小肥滺與金仔

◎立體錯視藝術

這幅令人難忘的錯視藝術畫作展示了濕地環境和多種濕地動植物，讓訪客在展開濕地之旅前，可先體驗濕地美態。
基本係入門第一個打卡位。

Photo from 浠姐、小肥滺與金仔

入閘後就到達有冷氣的大堂 (實在太舒服了!!)大堂光線充足，樓底十分高，因而唔會覺得壓迫感。大堂內有禮品店、各個lego模型，行得十分舒服。

Photo from 浠姐、小肥滺與金仔

大堂再向入走，會有唔少主題展覽室，又因為目標明確關係，所以今次未有多加參觀，就直奔主題。

◎沼澤歷奇

如果小朋友嚟講，當然就係以沼澤森林為主題的室內兒童遊樂區——沼澤歷奇最吸引啦！真係未出發先尖叫。(媽媽其實都好鍾意，因為有冷氣!)
歷奇樹屋十分有睇頭，因為限高150CM小朋友，所以媽媽我未能上去參觀，但就咁睇都覺得好玩。四通八達，有多條不同形狀滑梯都夠吸睛，基本上15分鐘轉眼就過。

Photo from 浠姐、小肥滺與金仔

入去前記得睇清楚規則，以免到時失望而回啦!

為配合防疫措施，兒童須持有有效的「沼澤歷奇入場證」才可進入「沼澤歷奇」，以控制場內人數。為平均分配名額，職員只會向每位親身輪候的兒童派發一張入場證，其他人士不能代為領取。

以下是開放時段及入場證派發時間：

Photo from 浠姐、小肥滺與金仔

使用規則

入場證數量有限，先到先得，派完即止。
每節時間為15分鐘。
每節參與人數最多為20位兒童（每位兒童須由最多一位成人陪同）。
使用主遊樂設施（樹屋）兒童身高須為100至150厘米。100厘米以下兒童只可使用幼兒遊樂區。
所有入場人士必須脫鞋及穿著潔淨襪子。
每節開放時間結束時，所有使用者必須離場以便進行場地清潔。

幼兒遊樂區如下: (只有相中咁多，相比起嚟就唔太吸引，幼兒家長要留意啦~)

Photo from 浠姐、小肥滺與金仔

當日可能平日的關係，所以人數唔算多，15分鐘當然唔夠玩，所以玩完第一次後我哋就先去隔離個餐廳醫一醫肚先。食完再去拎最尾一場(4:30PM)的籌，中間時間就去行下濕地公園。

◎餐廳

因為限聚改為四人一檯，所以我哋就決定係呢度用餐補充下體力先。而至於餐廳呢，以郊外嚟講食物種類選擇都算多，而且價錢十分合理！重點係對住個一望無際的郊外美景，雖然檯櫈有啲老土，衛生亦未算最好，但已經令人心擴神怡。

Photo from 浠姐、小肥滺與金仔

跟餐仲可以加$15有Movenpick雪糕一杯，真係好抵呀!!! (平時減價都要廿幾蚊)

Photo from 浠姐、小肥滺與金仔

◎濕地快拍

公園的餐廳附近設有「濕地快拍」遊戲，讓訪客與黑臉琵鷺、彈塗魚和各種濕地明星合照留念。

呢部機都有啲歷史，所以解像度真係麻麻 (嚟緊會更新，應該會更換)

Photo from 浠姐、小肥滺與金仔

走廊的有趣紙展品

Photo from 浠姐、小肥滺與金仔

◎貝貝之家

嚟到濕地公園當然唔少得嚟見下貝貝啦，比佢哋認識下小灣鱷。

之後正式出發濕地公園。

Photo from 浠姐、小肥滺與金仔

◎溪畔漫遊徑

河溪是許多生物的家，這裡會為你介紹不同河段的特色。

Photo from 浠姐、小肥滺與金仔

濕地探索中心

生趣軒和水文軒是戶外教室，以便研習溪流和水潭的生物，訪客亦可參與導賞活動認識濕地的動植物，以及了解濕地對人類日常生活的重要性。

Photo from 浠姐、小肥滺與金仔

◎演替之路

水生植物的生長可改變濕地的生境，該過程稱為演替。

Photo from 浠姐、小肥滺與金仔

◎紅樹林浮橋

處身於浮橋之上，可領會融入紅樹林的感覺。看看在這裡生活的動植物所具備的驚人適應能力。近距離觀察四種紅樹的不同部位，可見其特殊的支柱根、胚軸、膝根、和鹽腺。
(其實我哋無行到，只不過媽媽我好鍾意種感覺，所以入去影咗幾張相。)

Photo from 浠姐、小肥滺與金仔

◎觀鳥屋

濕地保育區有三間觀鳥屋 (河畔觀鳥屋、魚塘觀鳥屋、泥灘觀鳥屋)，讓訪客近距離觀察多種生態環境和野生動物。每間觀鳥屋均裝設單筒望遠鏡及觀鳥圖鑑，方便觀察。 (望遠鏡暫停開放)

Photo from 浠姐、小肥滺與金仔

後記：

其實今次嚟係非常有目的性 (玩沼澤歷奇)，所以後半部份的公園其實都無行。再加上行之前亦無做功課，所以對小朋友亦無過多講解(知識有限，哈哈)，不過打完呢篇blog後真的長知識了，下次可以再解釋下比佢哋知道，課堂不一定在班房。
雖然入夏未必會想成日曬，但仲有秋冬，所以買年票真係超值!! (當然買一次票亦都十分抵)

畢竟每個人喜好都唔一樣，如果怕曬怕多昆蟲要有活動多姿多彩的朋友，可以自行忽視呢個地方。
最後一句就係，有得奔跑真好!!如果可以唔戴口罩更好!!(期待)

Photo from 浠姐、小肥滺與金仔

天水圍濕地公園

https://www.wetlandpark.gov.hk/tc/information/transport-driving
交通:
◎香港濕地公園停車場
有訪客中心停車場及後備停車場
收費:每小時8元
開放時間: 早上九時至下午五時半 (最後入閘下午五時)）
如果2個車場已滿，亦可以停泊附近屋邨停車場