【BB幾時轉食加固係最好？強迫加固易獲反效果？媽媽應多反覆嘗試勿氣餒】

By 寶珠媽 on 19 Mar 2018

我係寶珠媽，一年前開始新手媽媽之路，在育兒路上邊做邊學，在錯誤中吸取經驗，與寶珠bb一同成長。

好多新手媽媽通常會問的其中一個問題係：究竟幾時幫BB加固好呢？我覺得能正確回答這個問題的只有BB自己本人。

係寶珠5個半月的時候，我就嘗試幫她加固，第一次俾了一匙羹稀米糊她試，她彷彿好有興趣，匙羹踮到她個嘴仔的時候，她就識得張開嘴仔食。於是乎，第二天我再繼續的時候，她一見到匙羹就用隻收手仔撥開，試多幾次，都係同樣的反應。第三日我就無再俾她試。我的第一次加固就此宣告失敗。到了寶珠大約6個月的時候，我再嘗試幫她加固，這次我係俾稀米粥她試，情況大概如同第一次，一開始試了一口，後來的兩日再俾她食的時候就不願意了。再過了大半個月，寶珠接近7個月的時候的某一天，我又再嘗試，這次我開了大概兩三匙羹的稀米糊，可能寶珠那天心情特別好，食了第一羹後，竟然搶著要再食，食了兩羹後，就乖乖地把奶奶也飲完了。第二天，我懷著忐忑地心情係寶珠食奶奶前再俾她試稀米糊，這次竟然也乖乖地把三匙羹的米糊食完後再飲奶奶。後來連續3天也是這樣。從此我正式開始踏上加固之路。

寶珠加固的過程比較反覆，但我一直都相信BB其實係會自己選擇一個合適的時候去嘗試第一口固體食物，當他們未ready的時候，他們會用不同的途徑話俾我們知。媽媽可以做的就係耐心的等待，等到BB ready的時候，就可以順利踏上加固之路。千萬唔好係BB 未ready或BB抗拒的時候，強逼BB加固，這樣會適得其反。

當然，係媽媽等待的過程中，我明白係會聽到各方唔同的意見與聲音。例如：你仲唔俾飯仔她食啊，無營養噶。又例如：又唔俾飯仔食，又唔俾湯飲，唔怪得唔生肉啦。再例如：都成7個月，仲唔俾飯仔她食，會唔會病噶？當媽媽聽到諸如此類的聲音時，一定要保持冷靜，因為每個BB情況都唔一樣，BB係有自己生長的規律，只要BB無任何病態的表現，我們係唔應該干預他們的規律。媽媽一定要對BB有信心，因為媽媽係最清楚自己BB的人。