【媽寶】同女友去Staycation媽寶男帶阿媽出現 成晚氣氛尷尬 網民賀女方甩難

「媽寶男」人人聞之色變，女生一旦嫁給事事聽阿媽話的丈夫，之後的生活將有無盡的委屈。近日香港一名女生分享與媽寶男拍拖的經歷，每次出街不但三人行，男友更帶埋阿媽去Staycation，場面尷尬，迫使女方揮慧劍斬情絲。

Photo from MamiDaily

拍拖三人行似家庭樂

事主在討論區Dcard發帖：「佢阿媽247都想癡實我男朋友」，她指媽媽錫個仔、想見多些都是人之常情，但她男友的媽媽無時無刻都要與兒子一起，包括與事主出街拍拖，都是三人行。「佢阿媽成日都想跟埋我同我男朋友出街，幾乎每兩次都有一次會見到佢，次次出街就好似男朋友要帶兩條女去3p咁，左一個右一個。」事主形容拍拖就好像家庭樂般。

有次男友放假，事主原本約他中午行街，晚上一起陪伯母吃飯，誰知伯母大動肝火，罵兒子：「放假就淨係識陪女，唔使陪阿媽啦！」事主見對方發晒脾氣，便主動讓步，建議男友中午回家陪媽媽，夜晚再三人一齊食飯。

Photo from MamiDaily

伯母跟埋去Staycation氣氛尷尬

令事主最不滿的是，她與男友去Staycation，伯母竟然跟着兒子一起來，使她很無癮。「上到房，你眼望我眼咁，成個氣氛尷（尬）到傻，3條友就咁碌手機碌咗成晚。」每當男友攬着事主時，伯母就會出聲：「你當阿媽唔喺到呀，檢點啲啦」，事主心裏慨嘆：攬下都唔得，你咩年代嚟！

為此事主跟男友反映，希望以後不要帶阿媽出來，但每次到出街當日，便會收到男友的訊息，指伯母會同來。事主抱怨多次後情況也沒有改善，於是決心與媽寶男分手。

Photo from MamiDaily

抵個仔成世冇老婆

網民看到事主的分享後，指男友媽媽跟埋去酒店實在離譜，「三人行去Staycation個度笑死」、「Staycation你忍到唔返屋企都勁，畀著我即走，由得佢2母子溫馨溫馨啦」，直言有這種母親，抵個仔成世冇老婆，而男方又廢到無朋友。

有人好奇當事主提出分手時，媽寶男有何反應？事主留言：「他說：『唔明點解你覺得有問題，我阿媽都係關心我哋啫。佢同我哋出街有人比錢埋單唔好咩？』」網友回覆：「咁幫佢唔到，自己都唔明問題喺邊。」他們又指分手是明智決定，慶賀事主「恭喜你甩難」、「好彩放生咗，真係頂唔順」！

Photo from 網上截圖

延伸閱讀：
【孩子患病】10歲女童連續8個月每日食避孕藥　媽媽心如刀割想替女受苦

延伸閱讀：
【捉姦在場】大叔怒揭靚老婆酒店偷食捉姦片瘋傳　人妻無愧疚霸氣反擊提綠帽夫罪狀

Text：Mami Editorial
Source：Dcard