【聽多啲知多啲分享各產前講座及禮品新手媽媽為迎接BB作好準備】

爸媽分享

By Suki 綿綿媽媽 on 14 Mar 2018

自從懷孕第14W打後，我開始預備學多D知識，聽多些產前講座，好好預備及迎接"綿綿BB"來臨! 呢段時間暫時聽了13個講座，現在可以同大家分享~

28 Oct 2017 (Sat) 11am-1pm

Friso美素佳兒 (陀B好Easy產前講座)

地點：尖沙咀香港金域假日酒店

內容：懷孕期媽媽和寶寶營養須知及育嬰技巧示範

第一次抽籤就抽到，可能呢個係第一次聽既講座，所以覺得內容好多野學, 即場仲有媽媽奶試飲。禮品方面，最吸引我既就係懷孕三角枕。

12 Nov 2017 (Sun) 11am-1pm

美贊神 (產前講座)

地點：旺角康得思酒店

內容：有關產前準備，順產及開刀過程及如何照顧初生嬰兒

第一次抽簽抽到，可能第一次聽順產過程，所以第一part會較有興趣，醫生講解得好清楚。會場拍照區，即影即有拍照相片留念，有媽媽奶製既甜品試食，Enfinitas DHA試食及即場以優惠價$100購買DHA, 禮品方面，最吸引係就係U型枕。

19 Nov 2017 (Sun) 12:00-1:30pm

WyethNClub 惠氏 (產前產後湊B實習班)

地點：尖沙咀嘉福州際酒店

內容：準媽媽營養大解構，嬰兒用品面面觀，嬰兒洗澡，穿尿片及穿衣實習及示範

第一次抽簽抽到，感覺唔錯，每位媽媽都有一個公仔BB，可以自己動手實習，型式係一張張圓台坐，覺得氣氛好輕鬆, 禮品都算豐富，特別係BB包被, 特大紗巾, Materna 及 DHA, 覺得呢堂學得好開心, 好好玩。

6 Nov 2017 (Sun) 11am-1pm)

雀巢 (防敏感1000天準爸媽湊B實戰坊)

地點：旺角帝京酒店

內容：講解產前注意事項，順產及開刀過程，坐月須知

第一次抽簽抽中，其實今次個醫生講解得有D point好特別，佢都好鼓勵媽媽順產，佢話企係度順產係容易過訓係度，好多外國媽媽都用呢個方法，因為有地心吸力，另外之前聽大部份醫生講順產都要剪開小小陰，但今次呢位醫生話盡量可以唔剪，所以真係個個醫生都有唔同做法，我當知多樣野，唔知到時係咪真係可以試下企係度生"綿綿"呢? 今次禮物無乜特別，但個媽媽袋都幾可愛~

9 Dec 2017 (Sat) 2:00-3:00pm

Ubaby 及 Hello Kitty Health Centre 合辦

地點：尖東永安廣場

內容：BB疲苗及母乳餵哺知多少D

第一次抽簽抽到，第一次聽有關餵哺母乳內容，好感興趣，因為將來我都打算餵人奶，希望知多D 及成功餵到綿綿, 所以呢個講座都學到小小野，禮品方面，主要都係維他命及DHA,尿片sample

16 Dec 2017 (Sat) 2:00-5:00pm

Cordlife (康盛人生產前講座)

地點：尖東南洋中心

內容：順產及開刀過程，產前運動，有講解臍帶血和初生嬰兒代謝病的知識

內容比其他講座時間較長，如果縮減一小時對大肚媽媽來講會好D，第一次認識臍帶血，叫做又學多一樣東西，但禮品唔算特別吸引

19 Dec 2017 (Tue) 7:30-9:00pm

Kinetics 媽媽會 (母乳餵哺及疫苗小百科健康講座)

地點：中央圖書館演講廳

內容：介紹各種疫苗, 如何餵哺母乳及介紹產前產後各種產品

第二次先抽到，聽其他媽媽講較難抽中，講解餵哺母乳既講者，都算講得好生動，又教各位媽媽唔好亂洗錢，如何買合適產品，好多媽媽都聽得好開心，另外禮品都幾豐富，有2罐嬰兒初生奶粉, 但就要另外一日去診所領取

20 Dec 2017 (Wed) 7:30-9:00pm

Ubaby 及飛媽會(新手媽媽知多D)

地點：中央圖書館演講廳

內容：介紹Bio-oil 妊娠紋油使用好處，分享產前產後皮膚護理要決, 坐月及產後護理注意事項

第一次抽簽抽到，坐月湯水及食療都好有用，雖然都有聽過，但今次講者講得比較清楚，及較多有月用知識, 禮品最特別係Bio-oil, 因為其他講座未出現過~

5 Jan 2018 (Fri) 7:30-9:00pm

Ubaby 及 World Family (產前準備及嬰幼兒語言發展)

地點：尖沙咀科學館演講廳

內容：家長課程介紹，產前準備，嬰兒語言發展

第一次抽簽抽到，覺得都好岩各位媽媽聽，因為佢有講解胎教，可以係懷孕時期開始營造雙語環境, 見其他講座無講，所以我好感興趣，原來0-3歲是語言發展的重要時期, 呢次綿綿媽媽覺得又學到新知識～

6 Jan 2018 (Sat) 10:30am-12:30pm

雪印Snowbrand HK (產前講座）

地點：旺角帝景酒店

內容：產前運動，坐月知多少

第二次抽簽先抽到, 對產前運動較有興趣，因為可以幫助順產，另外坐月知識可能之前聽過，所以覺得無特別新知識學到，會場有媽媽奶試飲及用媽媽奶製既cookie食，禮品方面，最實用算是媽媽袋，暫時我用左來裝部分BB用品

13 Jan 2018 (Sat) 2:00-4:30pm

Mamibuy 香港媽咪幫(一起走過40週－孕婦營造營養飲食篇）

地點：灣仔小童群益會

內容：懷孕時飲食注意，介紹新產品魚鱻森

第一次抽簽抽到，我都係因為呢個講座認識"媽咪幫"而開始係度寫Blog, 都算是"媽咪幫"令我覺得要為綿綿留下更多回憶。講座介紹懷孕40週既過程，原來都好有學問，特別係飲食方面，日常生活都無留意到，原來麵包愈鬆軟反而愈無益, 呢次都學到新知識, 即場可以試飲"魚鱻森", 味道有小小似滴雞精，都幾好味，如果媽媽餵人奶，飲佢都有幫助架~

另外做完網上問卷，會有$50超市現金券送

21 Jan 2018 (Sun) 10am-12:00pm

Abbott HK 雅培媽媽會 (雅培媽媽學堂)

地點：尖沙咀凱悅酒店

內容：懷孕時不同產檢事項, 順產及開刀過程，母乳餵哺知識

第2次抽簽先抽到, 可能之前都聽過類似topic, 所以無乜特殊新知識學，但可以當重溫，即場有3款媽媽奶試飲及Bear Bear 拍照區。禮物都算豐富，特別係有熊仔包被，媽媽奶粉及嬰兒奶粉各一罐

29 Jan 2018 (Mon) 7:30-9:00pm

敏兒安safeT21express ＋寶媽學院舉辦 (懷孕知多少)

地點：西九龍香港紅十字會總部賽馬會演講廳

內容：懷孕期健康飲食、產前檢查、產前診斷、分娩方式及過程、產前產後情緒健康等

第一次抽簽抽到，雖然Topic 都是之前有聽過，但今次醫生講得好清楚，好詳細，我覺得可以幫我重溫返好多資料，好滿意。即場都有問答環節，好多媽媽都好勇躍，證明醫生講得好好，另外仲有抽獎問問題環節，禮物都好豐富，但可惜抽唔到我～不過唔緊要啦，福袋禮物都好實用，有維他命，DHA，鈣片, 仲有Mides 包被