佗BB長胎不長肥肉！ 數盡葉翠翠養胎食物 超級雞汁 湯水

前港姐葉翠翠上年生左囝囝小王子，極速懷第二胎，而預產期為今年6月。翠翠不時係網上分享懷孕心得和佗B秘方，尋日佢去左婦科檢查，胎兒長大左，仲得到醫生大讚佗BB佗得好好！

葉翠翠在IG分享超聲波照片：「今天去了婦科檢查，有好消息！胎兒比正常週數大了一點，頭仔大了12天，肚腩大了10天，大腿長了15天，醫生說陀得好好！各位準備懷孕或懷孕媽媽，真的可以參考我的分享，雖然我不能說究竟是那一個環節起了作用，但只知道我的秘方的而且確係對胎兒有幫助！今次胎兒比小王子還長大了一點，因胎小王子時是邊學邊做，但今次是一早預備好，所以兩個胎兒都有少少分別。好多人擔心胎兒過大的問題，話難生產。講真，過細係好容易，要大就唔係講一句咁簡單！現在香港一般嬰兒出生只有6磅至7磅內較為普遍，所謂的「過大」都只是8磅至8磅半，當然基因都有影響，不過想胎兒有幾健康就自己決定了。」

秘方1：每天一碗超級雞汁+滴雞精

先燉雞汁，用雞汁再燉花膠，海參，蟲草。完成後放入雪櫃，第二天會變成啫喱，便可以切開一件一件，用保鮮紙包着放入冰箱。

每天早上用兩包滴雞精加一件超級雞汁！無得頂。長胎不長肥肉！

秘方2：燉湯

（二人份量）

材料：雞，豬骨，鱷魚肉，珍珠肉，海參，麥冬，黃耳，響螺，藍棗，杞子，姫松茸。1公升水，燉1.5小時。

秘方3：飲料

桑寄生藍棗蓮子百合茶

適合懷孕女士有安胎補血作用！可每天飲用。

唔少粉絲好羨慕，翠翠既小王子生得大大隻，所以都會參考下佢既食法同飲法，但唔一定個個岩用，大家要評估自己身體狀況先用選用以上方法，真係唔知既話最好都係問返專業人士先啦～

Text: Mami Editorial

Photo Source:葉翠翠@Instagram，Facebook

Source:葉翠翠@Instagram，Facebook