【夫妻關係】袁偉豪自嘲嫁咗畀張寶兒唔憂做　願做弱者聽老婆話：有乜咁難啫？

By Louisa on 10 Mar 2022

Digital Editor

由林盛斌（Bob）主持的J2節目《人夫放假約出去滾》，每集他都會跟一名圈中人夫藝人一齊打邊爐一邊傾偈，最新一集嘉賓請來袁偉豪。其太太張寶兒娘家家底雄厚，自從二人戀情曝光至結緍，袁偉豪一直被外界指「食軟飯」。其中兩夫妻的7千萬愛巢由外父出資首期，當時消息一出即引起網民熱議，但袁偉豪少理閒言閒語，直指「我搵到一個人我心靈上可以依靠，我可以喺佢面前做一個弱者。」

Photo from 袁偉豪IG

跟張寶兒非洲拍節目結緣

袁偉豪在節目中提到跟張寶兒當年一起到非洲拍節目而結緣，他形容太太性格外向活潑，跟文靜的他是一凹一凸。相處時發現「佢每一樣嘢都係好真摰」，而且又懂欣賞他的「爛gag」，即使是無聊事他們也可以聊得很開心。直至一次袁偉豪「試水溫」主動出擊，在聊天時「傾吓人生、傾吓鍾意聽咩歌、傾吓你會唔會想快手結婚，你點睇啊？講講吓，咁如果你做我背後嘅女人咁會點啊？佢冇答我。」他形容當時慘食檸檬「靜過太空」，場面尷尬。

Photo from 《人夫放假約出去滾》

宣布結婚惹冷言冷語

後來二人回港後繼續認識對方，之後發展成情侶關係，袁偉豪大讚太太：「好照顧到我，佢好take care到我屋企嘅嘢，咁我覺得呢個係幾好嘅女仔。」最終他們在2020年尾結婚，然而幸福生活的開始卻招來很多冷言冷語，「宣布咗我哋結婚之後，聽好多唔好嘅說話，甚至乎我覺得呢一行好似唔係好需要我，因為啲人覺得係我已經同一個屋企幾好環境嘅女仔結咗婚，我就唔使做。」

Photo from 袁偉豪IG

願在太太面前做弱者

被外界標籤是「億萬駙馬」、「食軟飯」，袁偉豪坦言花了很多時間才能擺脫這個鬱結，但他的確不介意在太太面前做弱者。袁偉豪形容張寶兒是個較有邏輯、有好多偉論、好理性的人，直言自己「搵到一個人我心靈上可以依靠，我可以喺佢面前做一個弱者。」他接著說︰「其實做一個弱者，聽老婆話，有乜咁難啫？幾開心，幾舒服。其實我覺得女性make decision某程度上係比男性高一籌，不論係計錢又好，或者佢哋諗嘢嘅方式，係真係會比男人通一啲。」

Photo from 袁偉豪IG

憂婚後影響工作機會

雖然常被人誤解二人生活富貴「唔憂做」，但事實上各有煩惱。袁偉豪稱太太最近涉獵形象設計工作，但她也會質疑自己，「究竟公司仲有冇位置畀到自己，啲人會唔會諗，其實佢都嫁咗啦。就等於好似我同佢結咗婚，佢都嫁咗畀張寶兒啦，使咩做啫？」各種難關，都靠兩夫婦互相扶持渡過。至於生BB一事，袁偉豪稱二人工作太忙，暫時未有時間多想。