【網上學習】老師致電投訴小朋友上Zoom唔專心　港媽大呻無辦法遭網民轟唔盡責

By Louisa on 01 Mar 2022

Digital Editor

疫情下家長和小朋友留家困獸鬥，當中子女上網課唔專心的問題，成為不少家長的困擾。不過小朋友上堂發白日夢、坐唔定，究竟是家長還是老師的責任呢？有港媽日前在網上大呻，稱老師每每致電，都是投訴其小朋友上網課時的行為問題，令她有感學校「成日都將教小朋友嘅問題踢返俾家長」，不過其言論卻惹來網民轟她不負責任。

Photo from MamiDaily

老師致電投訴小朋友上堂唔專心

該名港媽日前在Facebook專頁「生仔要考牌系列」投稿，指近日無論任教哪一科的老師打電話給她，內容總是跟她投訴其小朋友上網課時的各種問題，「例如話佢唔專心、成日熄咗個cam，再唔係就連聲都熄埋、又唔答問題走咗去。」她又列舉了一段時常出現的對話：
老師：「家長，你有無辦法令佢專心？」
我答：「無」
老師：「你要諗下辦法」
我答：「除非面授課程，否則無。我要返工。」
老師：「其實係咪我哋唔識教？」
我答：「唔好意思，老師我無辦法，我已經放棄」
老師：「好啦，我已經話咗佢上堂嘅情況俾妳知啦」

Photo from MamiDaily

學校將小朋友問題歸咎家長

港媽嘆面對此情況家長也無可奈何，她認為疫情以來「成日都將教小朋友嘅問題踢返俾家長」。她指出學校曾說「唔好俾咁多電子毒藥佢」，會令小朋友集中力下降，然而現在無論做功課還是上堂都要用到電子產品，認為這是自相矛盾。

Photo from MamiDaily

在職家長難做「書僮」管好小朋友

眼見孩子由K2至今，不停「上上下堂就變Zoom」，她反問「點教一個小朋友習慣坐定定上堂？」港媽又表示不否認會有好聽話的小朋友，但若然學生沒有家長做「書僮」，不能時時刻刻陪伴、指示他們「做呢樣嗰樣」，如此家長除了「打佢、罰佢，係可以一時三刻聽下話」，都沒有其他辦法了。

港媽又希望各位老師諒解需要工作的家長，真的沒有時間顧好小朋友的上課狀況，且「唔識做老師做嘅嘢」。她逐向網民詢問意見，「如有教育好方法嘅，請指教一個家長如何令一個小朋友聽話咁上Zoom堂」。

網民斥港媽將教養責任全交老師

帖文引來不少網民斥投稿的港媽推卸責任，「學校嘅角色係教育，家長嘅角色係教養，呢位家長返工係攰，但教導好小朋友真係好需要家長同老師嘅配合」、「點解我睇完既感覺係『家長將教小朋友既責任交晒俾老師』」、「都幾搞笑，使唔使個老師上嚟你屋企開Zoom啊？」、「老師已經盡責任同家長報告你小朋友上堂情況，你唔使對你小朋友負責？」

Photo from MamiDaily

家長網民嘆爸媽有心無力

也有人認同小朋友在家上課家長有心無力，「用過好多方法，傾計、鼓勵、獎勵、話、鬧都係咁......有時嗰種無力感大到想喊」、「K2學生嘅家長表示如果我有時間同心機搞得掂個小朋友，我就唔會上你個爛鬼Zoom啦」、「一切都答老師『我知架喇，由佢啦』」。

老師應有能力吸引學生上堂

不過亦有家長認為即使是上網課，課堂質素和秩序確是老師的責任，「大部分Zoom都好悶，無小組活動、無手作體驗，變成非常單向的教學。家長角色固然重要，但課堂有冇吸引力，燃唔燃點到小朋友的motivation就係老師責任」、「我經驗係，如果老師嘅class management做得好，班入面幾活潑嘅小朋友都可以好受控的。我諗家長同老師雙方都要好好諗下點樣先可以maximize到學習成效」。