download MamiDaily 親子日常 app
【在家工作】港爸自動請纓棄WFH願意日日返工 背後原因有人同情有人轟自私

【在家工作】港爸自動請纓棄WFH願意日日返工 背後原因有人同情有人轟自私

mami熱話 親子新聞
By Louisa on 27 Feb 2022
Digital Editor

第五波疫情來勢洶洶,加上Omicron傳染力高,不少企業都安排員工在家工作,不過總有部份工作一定要回公司才能處理得到。有網民指出公司實行WFH,不過上司日前想找一位同事每日回公司幫忙處理信件。當他以為一定無人願意之時,竟有一名有家室的男同事自動請纓,令他大感驚訝。

有家室男同事主動要求棄WFH每日回公司。Photo from MamiDaily

上司徵同事每日回公司

該名網民日前在香港討論區發文,指上司日前在公司通訊群組問有沒有同事肯每日回辦公室,結果卻令他感嘆在職爸媽的辛酸。他在文中表示自上月起,公司人事部便因應疫情發展,建議同事在家工作。日前上司在「食完晏之後問我地有冇人肯每日返office」,由於上司目前每星期才回去處理一次信件和傳真,但有感這樣的效率太低。

難忍家中兒子阻礙工作。Photo from MamiDaily

有家室男同事自動請纓

加上上司自己其實亦不想回辦公室,於是便在群組問有沒有同事不介意「每日都返office做嘢,萬一有信/fax要處理都可以盡快搞掂」。最初網民以為一定沒有同事肯返,豈料很快便有一位有家室的男同事「即刻衝出嚟話佢唔介意每日返office」。

男同事每日返工,老婆要獨自湊兒子?Photo from MamiDaily

棄WFH背後有心酸原因?

該男同事甚至表示原本已打算主動問上司,「可唔可以比佢返office」。他的回應引起網民詭異,男同事逐解釋由於他每日在家「對住個仔根本唔可以專心做嘢」。他又表示雖然老婆同樣在家WFH,但因為有兒子在,兩夫妻都一樣分身不暇,導致他「又要做嘢又要睇住個仔」。

網民轟男同事做法自私!Photo from MamiDaily

網民認同回辦公室有好處

網民得知男同事的處境後,令他慨嘆原來「屋企有小朋友嘅同事WFH係咁辛苦」。帖文引起網民熱議,有人指出其實在家工作諸多限制,並不是人人都想WFH,「當office冇人,自己返去office其實都ok」、「office個氣氛好啲,喺屋企好難集中精神」、「如果近屋企,office得一個又唔怕返」。

炮轟男同事自私不顧老婆

不過也有人質疑該男同事的做法自私,等同逃避照顧兒子的責任,更令同樣要工作的老婆加重負擔,「咁佢老婆咪變咗又要WFH又要自己一個睇住小朋友?你同事咁縮骨」、「放低個小朋友畀老婆湊?個仔佢冇份?要老婆一邊湊一邊WFH,超自私」,亦有在職爸媽分享WFH苦況,「我同個客傾緊電話時,家中兩隻馬騮打架」。你又認同該名男同事的做法嗎?

Text:Mami Editorial
Source:香港討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道