【在家工作】人夫WFH唔識煮飯日日食外賣食到厭　叫老婆上班前煮定飯反被要求做1事

第五波疫情嚴峻，不少企業都安排員工在家工作，以減低同事間互相傳染的風險。不過長時間在家，一定要有自行料理起居飲食的能力。一名人夫在網上大呻，稱自己近日在家工作，而老婆卻仍要日日回公司。不諳廚藝的他於是要求老婆上班前為他煮定飯，豈料遭老婆大鬧更反要求他自己學煮飯！

Photo from MamiDaily

人夫WFH呻日日食外賣

該名人夫昨日（22日）在香港討論區發文，指近日公司奉行AB更輪流上班，因此他不用每天上班，而老婆卻仍要每日回公司。過去一段日子，他午餐「一係食外賣一係食隔夜飯」，直言屋企附近的外賣已被他全吃過，嘆「已經食到唔知食咩好」。

要求老婆上班前煮定飯

於是人夫問老婆可否「整定啲嘢畀我食」才上班，結果立即遭老婆鬧到飛起！老婆怒斥他不但「咁大個人都唔識煮飯」，更指責老公一點都不體諒她疫下仍要日日一早起身回公司上班，甚至要求她晨早起身煮飯。老婆一口拒絕，並著他「唔想食外賣就自己學煮飯」。

Photo from TVB《BB來了》

不懂煮飯感無奈

人夫對於老婆不幫忙感無奈，大呻「我真係識鬼煮飯咩」，又坦言自己連煲飯都不會，只會煎牛扒，但總不能日日午飯都吃牛扒。窮途末路的他嘗試上網學煮飯，但最終失敗仍是要買外賣。他又試過打電話向媽媽求救，但又被嘲笑「咁大個人都唔識煮嘢食」。

Photo from MamiDaily

人夫遭網民斥責

在家工作令人夫有感「唔係真係自己試過煮飯，都唔知原本每日阿媽同老婆煮飯係咁辛苦」，又詢問網民意見，有何方法可以速成廚藝。不少網民看過帖文後，都大罵人夫「你老婆鬧得你啱」、「人地朝朝要返工，你咁都問得出口」、「你老婆本身都唔識，佢都係上網睇食譜或者阿媽教」。

Photo from MamiDaily

建議由簡單餸菜開始

有人鼓勵人夫只要有心學定能學會，「煮飯有幾難？唔識咪學到識囉，大把教學片睇」、「炒蛋、蒸水蛋、煎雞翼、蒸排骨真係唔洗點用腦，滾下菜落少少蠔油又食得，先由簡單開始煮」。也有人建議「等老婆放假時，同佢一齊買餸，記住揀食材技巧，叫老婆煮飯煮餸你在旁學，仲要用紙筆紀錄調味份量及煮法，下次自己實習煮。」

延伸閱讀：
【嚴人寬己】爸爸投訴人妻鄰居在家只穿內衣褲　因7歲女好奇會做1事遭網轟怪獸家長
延伸閱讀：
【電梯意外】爺爺抱3歲孫女商場內乘扶手電梯　一個致命動作從5樓墮1樓天人永隔

Text：Mami Editorial
Source：香港討論區