【酒店投訴】港媽投訴酒店浴室水最熱只有38°C　憂小朋友冷親沖涼溫度引爭議

疫情下不能坐飛機去旅行，有很多家長都會選擇帶小朋友，到本地酒店Staycation自製旅行感覺歡度假期。不過有家長大呻日前入住西貢一間今年新開業的5星級酒店，卻不滿在近日的寒冷天氣下，浴室水最高溫度只有38°C，擔憂這水溫會令小朋友著涼引起網民爭議。

Photo from 翻攝自香港 Staycation 酒店交流谷

不滿水溫只有38°C

該名港媽日前在Facebook群組「香港 Staycation 酒店交流谷」發文，指早前一家大細入住位於西貢新開業的度假式酒店，遇上不愉快經歷。她表示入住酒店當日天氣寒冷氣溫20°C，然而浴室沖涼水最高只有38°C，她直斥水溫不夠熱逐向酒店投訴。

Photo from 翻攝自香港 Staycation 酒店交流谷

憂小朋友會著涼

然而酒店認為水溫合理，表示「正常驚淥親啲客」，故浴室水龍頭「扭到盡熱水都係得38度」。港媽對酒店的回覆並不滿意，又表示擔心只得38°C水溫會令小朋友著涼，不過「好彩小朋友沖嘅時候冇嗌凍」，不滿「叫人教熱啲都吾得」。

網民討論最適合的沖涼水溫

有關沖涼水溫的問題引起網民熱烈討論，有人同意只得38°C實有些低，「如果沖涼得38又低咗啲，呢排我沖41度」、「真心，冬天10度以下，熱水冇40度都應該幾凍」、「之前煤氣公司師傅話正常係42-43度，咁38度喺咁涼嘅天氣真係唔夠喎！」、「我都試過去一間係寫咗水溫得38度，我同BB沖涼都覺得唔夠暖，起碼應該38至40度自行調校」。

Photo from MamiDaily

不過也有人認為水溫38°C非常合理，有網民留言揶揄她太挑剔，「想問下話平時開50以上嗰啲師兄，沖完涼有無肉汁同香味？我平時慢煮牛扒55度差唔多5成熟剛剛好」、「其實38~40度好正常，除非你想淥親」、「其實（氣溫）20度有幾凍」。亦有人認為每個人體質和受熱程度不同，適合的沖涼水溫度不能一概而論。

延伸閱讀：
【人有相似】無啦啦被未來奶奶叫入廚房打一巴　對方發現擺烏龍尷尬笑當無事
延伸閱讀：
【家庭破裂】與男友穩交2年預備拉埋天窗　新娘媽媽剖白一句話搞散頭家

Text：Mami Editorial
Source：香港 Staycation 酒店交流谷