【成家立室】人夫寧願晚晚「OT」都唔返屋企　自私逃避方法遭網民炮轟自私

婚姻是一生一生的承諾，背後除了是對雙方關係的肯定，亦要肩負起家庭責任。不過激情和甜蜜褪去後，不少男人都會覺得婚後生活像牢籠。有已婚男網民日前訴說男人之苦，表示自己晚晚寧願「OT到夜一夜」也不願回家。

Photo from ViuTV《大叔的愛》劇照

人夫晚晚「OT」到夜一夜

該名人夫在討論區分享，表示公司有一名後生同事問他，為何經常在公司留到夜一夜都唔走，他回答說：「等你大個啲，成家立室之後就會明。」人夫回答後引來身邊一眾有家室的男同事認同，他們都「即刻報以認同嘅表情，個個點晒頭。」

留公司享受獨處時間

人夫認為自己有合理原因晚晚留在公司「OT」，由於每天6點收工時已做到「人都散晒」，坦言工作過後已沒有精力找興趣。因此寧願留在公司享受Me Time，「靜靜地享受一個人嘅時刻，上網睇片、打機、聽歌，做咩都好。」

Photo from MamiDaily

婚姻問題難以解決

他承認自己「寧願OT都唔想認真面對自己嘅屋企人」，做法可能會遭人批評懦弱，但他坦言自己的確是不想回家面對老婆。他覺得婚姻當中有很多無奈，「大家相處多年，彼此了解對方，有啲嘢講咗只會將事情複雜化。」因此他覺得夜晚留在公司，就是全日最享受的一刻。

分享引來不少男網民共鳴，認為香港屋細人多，在家中的確有很大壓逼感，而公司是逃避老婆仔女壓力的好地方。「寧願在公司躲藏，不想喝湯」、「返屋企就要面對現實，反而喺公司可以享受自由空間無人搞你」、「一返到屋企又要聽老婆講嘢，又要湊細路，喺公司扮工可以做自己嘢」。

Photo from MamiDaily

不過亦有很多網民對人夫的自私行為感到不滿，「咁老婆喺屋企照顧小朋友又有無自由？」、「就係你呢啲人搞到偽單親媽媽」。有人認為逃避不是辦法，建議人夫要跟太太坦誠溝通，否則二人關係難以長久。

延伸閱讀：

【媽寶男】不滿囝囝新入職要OT 媽媽致電公司搵人　老細投降命「收工返屋企」竟有網民撐阿媽？

延伸閱讀：

【婚後生活】新婚人夫每晚消失幾粒鐘享me time　人妻憂是為日後偷食鋪定後路

Text：Mami Editorial