【親子露營】露營初體驗 x 秋季親子活動 x 兩日一夜 | 新手露營

因為疫情，生活習慣真係大大的改變!!以前放假，一定係四圍去玩....因為疫情變到唔敢四圍去玩....又冇得搭飛機去旅行...眼見疫情開始緩和，加上和牛B都開始大個女。我哋喺朋友熱情地推介之下，終於踏出咗我哋露營嘅第一步啦!!

首次露營初體驗

以我所知，香港收費營地都有好幾個選擇。

有啲場地，仲有露營用品租賃。
同時，聽說有啲場地都有好同唔好...

所以，真係要去租住過體驗過先知，當然啦露營絕對比起酒店Staycation辛苦十倍。

我哋開始了露營呢個體驗，所有用品都係自己買，而非選擇租賃。
當然啦，租賃也都好處同壞處。
真係要視乎自己情況而定，如果純粹想試一次，就直接揀有提供租賃用品服務嘅營地吧。

因為我哋都係新手，所以場地嘅嘢唔特別介紹啦~
純粹分享親子露營嘅感受~

講起我哋所有用品都係自購，所以呢，帶住2個小朋友去露營。
絕對係走難式去露營，走難式咁返屋企~(哈) (又或者我哋經濟唔夠吧)

露營最大勞動力嘅工序，就係起營。
正常一定係第一件要做嘅事吧?

不過，我哋帶住兩個小朋友。
第一件事，都係開返張櫈同埋枱俾佢哋坐低食嘢或者畫畫吧。

對於新手起營，都係我哋第一次體驗與經歷。

合夫婦二人之力，終於起好個營啦~

露營的日與夜，裝飾燈係必需的 (哈)

起完個營，坐一陣就已經要準備晚餐啦~

正當大人忙於準備晚餐嘅時候，我哋嘅朋友都早有準備。

佢準備咗一個投影器，播放電影等小朋友可以安靜一下。

小朋友瞓晒後，就是大人的開心時光

夜晚，小朋友瞓晒之後就係大家relax嘅時間。

大家都準備唔同嘅宵夜，Happy sharing~

^ 呢個爐真心正!! 放枱上又得，放地下又得 (留意該場地是否能夠放草地上，以免燒爛地!!!我個人建議為免破壞環境，燒烤爐要放地的話，建議放石地或舖防火地墊才使用)
[ 燒烤爐購自 PapayaTenn 日式生活百貨 ]

當然，唔少得觀星!

平時身處市區，好多高樓大廈，真心好少機會見到滿天星星。

在營地尋回旅行感覺

保持一貫旅行作風嘅我，夜瞓早起!
不過，我目標係睇日出....
今次，真係瞓晏咗好多....

野外煮食物 (唔計BBQ)，真係第一次。

都真係好有風味，呢餐都係老公煮，冇辦法啦....妹妹實在太好動，要睇實妹妹。

朋友嘅早餐，超級吸引!!

整天在吃、跑嘅妹妹~

今次約埋朋友一齊去露營，和牛B都玩得好開心~

冇得去旅行，唯有自己搵個旅行感啦!

雖然，露營真係好攰。

準備功夫好多，去完之後又要花好多時間整理。

但係，真係開心嘅!

去露營，一定一定要記得愛護環境，自己垃圾自己帶走，夜晚喺營地嘅時候唔好喧嘩!!

延伸閱讀：
【親子好去處】偽姆明屋+癲噹開心村+兒童遊戲室 荃灣海濱公園玩足大半日

延伸閱讀：
【戶外放電】卑路乍灣海濱長廊公園免費放電空間 玩卡板＋砌迷宮＋滑板車＋維港靚景

Text and Photos: 和牛B的成長日記