【家庭瑣事】天寒地凍先嚟壞熱水爐　網民：老竇叫我沖凍水涼！

By edwin.yeung on 18 Nov 2021

Digital Editor

近日香港天氣開始轉冷，市區每晚氣溫平均低於攝氏20度，但如果此時家裡熱水爐故障，你會如何應對？近日便有網民遇到這種情況，其父不肯更換新熱水爐，這個冬天可能要沖凍水涼！

Photo from MamiDaily

日前有網友在香港討論區發帖，表示家中的電熱水爐壞了，不過父母一於懶理。他指：「老竇話換一個好貴，佢話反正呢幾日都唔係好凍，叫我忍吓先，用凍水沖喎！」樓主父親可能身體較佳，能忍受沖凍水涼，但樓主卻難以忍受，未來天氣亦日漸轉涼，只會越來越難受。事主無奈表示：「我話好凍喎，佢就叫我煲滾水沖涼！」事件引發熱烈討論。

網民意見不一

部份網民對樓主遭遇均表示同情，「點忍呀？呢排咁凍！」、「沖開就話可以頂得順啫，17、18度仲用凍水都幾係嘢」、「遲早都要買，遲啲仲凍唔通會減價？」、「冷病睇一次醫生都唔少錢」及「真心頂唔順」之類；同時有最正路的建議，例如勸樓主自己買熱水爐、去朋友、親戚家中或公眾泳池洗澡等。

Photo from 康文署

帖子同時勾起大批網民童年回憶，表示「細細個都係要煲水沖涼，唔係每家每戶都有熱水爐」、「我細個都沖凍水涼，現時冇話唔得」、「我以前喺鄉下都係用凍水沖涼，係真係凍到好勁嗰時，媽媽先會煲熱水」，懷緬年少光景。

Photo from 電影《洗澡》劇照

當然有網民發揮阿Q精神勉勵樓主，「其實沖凍水涼對皮膚好啲」、「當游冬泳囉」、「只要克服到第一吓，其實沖落冇乜嘢」、「證明你老竇好健康」、「沖凍水涼強身健體」、「頂唔順先嗰個會出錢換，樓主咪輸畀佢哋」，更有人趁火打劫「嚟我屋企沖，$100沖15分鐘」，令人啼笑皆非。

沖凍水涼孰優孰劣？

事實上，沖凍水涼對身體未必一無是處，其中能夠顯著提升身體的耐寒能力和對溫度變化的適應程度。研究表明，在同樣低溫嚴寒的狀況下，沖凍水涼的人會比一般人更能習慣這個環境，耐寒力與抗壓性會更勝一籌。

此外，凍水涼可以激活身體裡的交感神經系統，增加去甲腎上腺素的水平。去甲腎上腺素是體內分泌的一種激素，它可以增強心臟的收縮能力，加快心跳，給人一種「提神」的感覺，所以很多人沖完後感覺煥然一新。

Photo from MamiDaily

不過更多的研究報告指出，很多類人並不適合沖凍水涼，尤其體力勞動過後的人，人體代謝機能旺盛，血管擴張導致血液循環加速，排汗散熱機制也開始運作。若此時皮膚接觸到冷水，會造成血管瞬間收縮導致血液循環系統異常，不但會阻礙散熱使得體溫增高，也會增加心臟負擔並引起頭暈或休克等症狀，亦可能引發抽筋或肌肉痙攣等傷害。