【尊重生命】女兒扭計養倉鼠港媽只買手提籠安置　店員企硬拒賣：請尊重生命

mami熱話親子新聞

By Louisa on 25 Oct 2021

Digital Editor

尊重生命，是連小朋友都懂得的道理。不過日前一名女孩在寵物店扭計想養倉鼠，雖然媽媽答應讓女兒養，但卻只願意買一個小型的手提籠。店員解釋指手提籠並不足夠供應倉鼠基本需要，建議要買一種較大的籠。可是港媽當場發爛，而店員則企硬拒賣倉鼠給母女。

Photo from MamiDaily

女兒扭計要養倉鼠

有網民昨日於Facebook群組「香港倉鼠交流團」發文，指不時聽聞有怪獸家長買倉鼠，而自己最近則親眼目睹，事件令他非常憤怒。事緣網民到一家寵物店購物，看到「有個mix既小朋友(爸爸係外國人，媽媽係香港人)」扭計想買倉鼠回家養。

Photo from 香港倉鼠交流團

媽媽嫌正常籠太大只願買手提籠

然後女童的媽媽便拿了一個小型手提籠，並向店員示意想買籠及倉鼠。店員見狀便跟她解釋指手提籠並不適合養倉鼠，並跟她介紹一種能滿足倉鼠基本需要，但體積較大的籠給她。但港媽認為正常籠太大，又問了老公的意見同樣覺得太大。

Photo from MamiDaily

店員拒賣倉鼠

該名網民在一旁看到這情況，心裏不禁質疑：「大？如果你覺得大點解你要養。」由於港媽堅持只買手提籠，其後有較資深的店員繼續跟她解釋配備適合的籠的重要性，更跟她說：「我哋係唔會賣俾你，除非你係買埋一個合適既籠俾隻倉鼠仔。」

Photo from MamiDaily

港媽回應令人氣憤

店員續指：「倉鼠係一個生命來，你應該係好好地教育你囡囡，等佢知道點樣尊重呢個生命。」但最令網民意想不到的是港媽的反應，她竟然回應說：「咁我哋淨係買隻倉鼠唔買個籠囉！」網民目睹她的態度，坦言「燥到我呢」，他又認為「呢個家長冇救㗎啦」，所幸店員「企硬」拒賣。

Photo from MamiDaily

店員企硬拒賣

網民稱其實店員已解釋得很清楚倉鼠的基本需要，但兩位家長只為「氹掂扭計嘅囡囡」便做出這樣的行為，他認為「所以話身教真係好重要」。帖文一出，港媽的行為遭到網民炮轟，「依啲家長根本唔當倉鼠係一種生命，只當玩具，好肯定玩完即棄，仲要唔好咬親佢寶貝女添呀，咬親到時一定更慘」、「對父母咁唔珍惜生命，佢囡囡都唔會識孝順父母，第時老左就知味道」。