download MamiDaily 親子日常 app
【家庭聚餐】去男友家食飯被鬧:「當自己屋企啊?」 不准坐梳化只准坐大牌檔膠櫈

【家庭聚餐】去男友家食飯被鬧:「當自己屋企啊?」 不准坐梳化只准坐大牌檔膠櫈

家庭關係
By Louisa on 18 Oct 2021
Digital Editor

想跟另一半長久穩定,跟對方家人保持良好關係亦非常重要,然而婆媳關係從來也是個難題。一名女網民日前在網上分享自己到男朋友家吃中秋飯的經歷,指自己不但被未來奶奶不斷冷言冷語,更被責罵「當呢度自己屋企啊?」而男友卻全程沒有幫過口,令她非常難受。

一名女網民指自己不但被未來奶奶不斷冷言冷語,更被責罵「當呢度自己屋企啊?」Photo from TVB《香港愛情故事》劇照

男朋友媽媽:「你當呢度自己屋企啊!」

該名女網民在討論區Dcard以「男朋友媽媽:『你當呢度自己屋企啊!』」為題發文,分享自己於上月到男朋友家出席中秋節聚餐的經歷。她憶述聽到這句話的當下感到很傷心,又估計大家看到標題會「以為我做咗啲好失禮嘅行為」,但她解釋當時自己只時坐在男朋友家的梳化上。

晚飯由男朋友的媽媽負責料理,而事主在「等緊食飯果陣就響廳度同佢啲表弟表妹玩switch」。Photo from MamiDaily

等開飯陪表弟妹玩

事緣事主於上月中秋節正日,到男朋友家中作客吃飯,一同吃飯的除了男朋友的父母外,亦有數個親戚。晚飯由男朋友的媽媽負責主理,而事主在「等緊食飯果陣就響廳度同佢啲表弟表妹玩switch」。她表示自己入屋後一直都是站著,男朋友的姨姨見狀便「讓咗少少梳化位俾我坐」。

豈料男朋友的媽媽從廚房出來後,便大聲斥責事主:「企起身!做咩啊你依家?當呢度自己屋企啊?外人坐番圓凳!」Photo from TVB《BB來了》劇照

被男友媽媽當眾大罵

豈料男朋友的媽媽從廚房出來後,便大聲斥責事主:「企起身!做咩啊你依家?當呢度自己屋企啊?外人坐番圓櫈!(圓櫈即係大牌檔果啲膠櫈)」,當時事主「已經嚇到冇聲出」,立即從梳化站起來,但對方仍繼續鬧:「嚟到我哋屋企都唔識主動幫手,一嚟就響度玩,一啲貢獻都冇......」

事主稱其實被罵的內容還有很多,但是她不欲再列出,「再講對眼又開始濕」。事主對於無端被罵感到委屈,又指「其實如果你真係想我幫你,只要你開聲我點會say no」,更不明白為何要故意標籤她是「外人」,即使「你唔鍾意我坐梳化都唔洗喝我掛」。

事主對於無端被罵而感到委屈。Photo from TVB《寶寶大過天》劇照

男友在一旁沒出口解圍

更令她心淡的是,男朋友在一旁竟完全沒有幫手解圍,「佢完全冇幫我講任何一句說話... 第一個出嚟幫我嘅,竟然係讓梳化畀我嘅姨姨」。事後事主稱男朋友媽媽整餐飯都對她「眼超超」,她坦言「咁小事佢媽媽都已經鬧得咁狠,真係唔知以後可以點相處落去...」。雖然事件已過去一段時間,但對方「好難聽嘅說話」仍然會在她腦內迴蕩,逐問網民意見:「以後應該點面對佢媽媽或者點樣行落去?」

事隔一段時間對方「好難聽既說話」仍然會在她腦內迴響。Photo from TVB《寶寶大過天》劇照

網民建議事主與男友分手

事件隨即引起討論,不少網民都建議事主分手,「你男朋友裙腳仔嚟架?咁都唔幫你,唔使旨意之後受冤枉時會幫你講好說話」、「樓主你要記住你都係你屋企人嘅寶貝女,唔好咁委屈自己」、「佢阿媽明顯有問題,就算唔鍾意都唔會咁樣同人講嘢,唔單只係EQ低,IQ都好低」、「你去到人哋屋企,過門都係客,唔係去賣身做妹仔」。

不過也有人批評樓主不懂人情世故才會自招惡果,「你欠缺主動欠缺氹長輩嘅能力,簡單講係唔識做。你有無買嘢上人屋企?主動問人有咩幫手係好平常,點解你會諗係要等人開聲叫你幫手?煮好飯你都好應該醒少少主動幫手拎出去放枱面,對我來講基本嘢,食完幫手執枱,等等好多位可以加分,數之不盡嘅人情世故嘢你唔識,你當今次佢教精你當學嘢,如果你有做,我相信唔係呢個結果」。

Text:Mami Editorial
Source:Dcard

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道